Լույս տեսավ Հայկական աստղագիտական ընկերության (ՀԱԸ) հերթական (թիվ 59) էլեկտրոնային տեղեկագիրը (ArAS Newsletter), որը ներկայացնում է հայկական և միջազգային աստղագիտական նորությունները և տարեկան 8 անգամ տարածվում է աշխարհի բոլոր հայ աստղագետներին և մի շարք աստղագիտական կազմակերպությունների: Վերջին համարի բովանդակությունը.
  1. Միջազգային աստղագիտական միության 2013թ. հոկտեմբերի 7-11-ին Հայաստանում կայանալիք թիվ 304 գիտաժողովը «Ակտիվ գալակտիկաների միջուկների բազմալիքային շրջահայություններ և ուսումնասիրություններ»
  2. Երիտասարդ աստղագետների ՀԱԸ տարեկան մրցանակը (Երվանդ Թերզյանի անվան մրցանակ)
  3. Կորեայում կայացած Միջազգային աստղագիտական օլիմպիադայի արդյունքները. հայ մասնակիցների հաջողությունները
  4. Հայ գրատպության 500-ամյակին նվիրված «Աստղագիտական գրքերի աշխարհը» ցուցահանդեսը Բյուրականում
  5. «Աստղագիտություն դպրոցների համար» DVD խտասկավառակի թողարկումը
  6. Կամո Գիգոյանի «Բյուրականյան առաջին շրջահայության ուշ դասերի աստղերի որոնումները և ուսումնասիրությունները» աշխատանքները
  7. Ռոբերտ Սարգսյանի «Վիկտոր Համբարձումյանի հետնորդները» գրքի նախաբանը Արեգ Միքայելյանի կողմից
  8. Ռոբերտ Սարգսյանի «Տիեզերքում նախաստղային նյութի գոյությունը բնութագրող պարամետրը» աշխատանքը
  9. Տարեդարձներ (Վաղարշակ Սանամյան – 95, Գրիգոր Գուրզադյան – 90, Հակոբ Թերզան – 85, Դանիել Վիդման – 70)

ՀԱԸ տեղեկագրերն առցանց կարելի է կարդալ հետևյալ կայքէջում.
http://www.aras.am/ArasNews/arasnews.html