Նոյեմբերի 23-ին` ժամը 12:00-ին, ՀՀ ԳԱԱ նախագահության նիստերի դահլիճում (Բաղրամյան 24, 2-րդ հարկ), տեղի կունենա «Հայաստան. հազարամյակների ուղի» գրքի առաջին հատորի շնորհանդեսը: Գրքի հեղինակն է «Եդինայա Ռոսսիյա» կուսակցության անդամ, Բաշկիրիայի Ազգային ժողովի նախագահի տեղակալ, իրավագիրության դոկտոր Ռաֆայիլ Զինուրովը: Շնորհանդեսին կմասնակցեն ՀՀ ԳԱԱ նախագահ Ռադիկ Մարտիրոսյանը, ՀՀ ԱԺ նախագահի տեղակալ Էդուարդ Շարմազանովը, «Ռուս-հայկական համագործակցության» նախագահ Յուրի Նավոյանը, ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը, ՀՀ ԳԱԱ Պատմության ինստիտուտի տնօրեն Աշոտ Մելքոնյանը:

«Հայաստան. հազարամյակների ուղի» գիրքը հայոց պատմության չափածո շարադրանքն է հնագույն ժամանակներից մինչև մեր օրերը` հիմնված հայոց պատմիչների աշխատությունների վրա: Առաջին հատորը հասնում է մինչև հայոց գրերի գյուտը: Ներկայումս ընթացքի մեջ են երկրորդ և երրորդ հատորների տպագրման աշխատանքները:

«Հայաստան. հազարամյակների ուղի» գրքի մոսկովյան շնորհանդեսը 2011թ. ապրիլին տեղի է ունեցել Ռուսաստանի պետական գրադարանում: