-Փաստահավաք խմբի լուծարման պրոցեսը սկսվել է ավելի շուտ, երբ Վահե Ստեփանյանը որոշեց գնալ արձակուրդ,- ասել է մարտի 1-ի գործով Փաստահավաք խմբի անդամ Անդրանիկ Քոչարյանը։

Նա նշել է, որ չի ընունում իրեն ուղղված մեղանդրանքները և համարում է, որ Մարդու իրավունքների պաշտպան Արմեն Հարությունյանն ու մարտի 1-ի դեպքերն ուսունասիրող խորհրդարանական ժամանակավոր հանձնաժողովի նախագահ Սամվել Նիկոյանը անհիմն են իրենց մեղադրում լարված մթնոլորտ ստեղծելու մեջ։ Փաստահավաք խմբի անդամ Սեդա Սաֆարյանը, սակայն, խոստովանում է, որ մթնոլորտը, իրոք, լարված է եղել։

- Մեկը եկել էր կոծկելու, մյուս կողմը՝ բացահայտելու այն, ինչ դիմացինն ուզում էր թաքցնել։ Լարվածություն է եղել, բայց դա չպետք է խանգարարեր, որ այս մեծ գործը ավարտին հասցնեինք։ Ես փաստում եմ, որ մարտի 1-ի բացահայտումը թաղվեց։ Նիկոյանի հանձնաժողովը ոչ միայն չի բացահայտելու մարտի 1-ի դեպքերը, այլև ավելի վատ գնահատականներ եմ ակնկալում,-ասել է նա։