Հովիկ Աբրահամյան. «...ժողովրդի վաղվա օրն ավելի լավն է լինելու, քան այսօրը»

● Լրահոս

05.10.2012 ● 13:16

Հովիկ Աբրահամյան. «...ժողովրդի վաղվա օրն ավելի լավն է լինելու, քան այսօրը»

ՀՀ ԱԺ նախագահ Հովիկ Աբրահամյանի շնորհավորական ուղերձը Ուսուցչի օրվա կապակցությամբ.

«Սիրելի՛ուսուցիչներ,

շնորհավորում եմ ձեզ Ուսուցչի օրվա առթիվ: Դուք ունեք շատ դժվարին, պատասխանատու, բայց եւ պատվաբեր առաքելություն` կրթել ու դաստիարակել ապագա զինվորին, գիտության մշակին, պետական ու հասարակական գործչին, մի խոսքով` իսկական քաղաքացու, ով կկերտի իր ազգի ու երկրի արժանապատիվ ապագան:

Անկախ ձեր նկատմամբ վերաբերմունքից ու տրվող գնահատականից` դուք ձեր առաքելությունն իրականացնում եք առանց տրտնջալու, ներողամտորեն ու մեծահոգաբար, առանց փոխհատուցում ակնկալելու` գիտակցելով այսօրվա ձեր ցանած սերմի վաղվա բերքի բարձր արժեքն ու անհրաժեշտությունը պետության համար:

Մեր ժողովուրդը մշտապես բարձր է գնահատել ուսուցչի ավանդը, վաստակը, ուսուցչի կերպարն ու դերը: Խոսքն առաջին հերթին բարոյական գնահատականի մասին է, որովհետեւ դա ամենամնայուն վերաբերմունքն է այն մարդու նկատմամբ, ով դպրոցում երեխայի համար ստեղծում է ընտանեկան միջավայր, ծնողական ջերմություն, իր գործով ամրապնդում պետականության հիմքը, ձեւավորում քաղաքացիական հասարակության հենքը մեզանում:

Շնորհակալ եմ ձեր նվիրվածության, հավատարմության համար: Շնորհակալ եմ այն համբերության ու խոր ըմբռնումի համար, որ դրսեւորում եք պետության՝ այսօրվա հնարավորությունների եւ դրանցից բխող ձեր աշխատանքին տրվող դեռեւս ոչ այնքան շոշափելի գնահատականի համար: Վստահ եղեք, որ բոլորիս ջանքերի մեկտեղումով մեր երկրի ու ժողովրդի վաղվա օրն ավելի լավն է լինելու, քան այսօրը»:

● Այս խորագրի վերջին նյութերը

Գյումրիում 33-ամյա տղամարդ է ձերբակալվել եղբորը սպանելու կասկածանքով

01.07.2024 ● 14:48

Գյումրիում եղբայրը ծեծել է քրոջը, մյուս եղբայրը միջամտել է և քաշքշուկի ժամանակ կյանքի հետ անհամատեղելի վնասվածք ստացել գլխի շրջանում։

«Էս դիրքը ուղղակի նվեր տվին». Տավուշում հայկական դիրք է հանձնվել Ադրբեջանին

01.07.2024 ● 14:38

Չափագրումների ավարտից մոտ 20-25 օր անց տվեցին։

Հայաստանում հուլիսին սպասվում է տեղումնառատ և ոչ շատ շոգ եղանակ

01.07.2024 ● 14:28

Հուլիսին օդի ամսական միջին ջերմաստիճանը հանրապետության ողջ տարածքում կանխատեսվում է նորմայից բարձր 1 աստիճանով, տեղումների քանակը՝ նորմայից զգալի ավել։

Ալեն Սիմոնյանը պարգևատրել է ԱԺ-ի անվտանգության աշխատակիցներին

01.07.2024 ● 14:17

ԱԺ նախագահ Ալեն Սիմոնյանը հունիսի 28-ին կարգադրություն է ստորագրել, որով պարգևատրել է Պետական պահպանության ծառայության աշխատակիցներին:

Ինչո՞ւ Մակրոնը որոշեց անցկացնել արտահերթ ընտրություններ, որտեղ պիտի հաղթանակ տոնեին Մարին Լե-Պենի կողմնակիցները

01.07.2024 ● 14:04

Ֆրանսիան այսօր պառակտված է մի շարք օբյեկտիվ պատճառներով, և շատ շրջանակներ մտավախություն ունեն, որ 2027-ին այդ երկիրը կարող է հայտնվել մեծ բախումների առջև, եթե քաղաքական կենտրոնում չհայտնվի մի ազդեցիկ գործիչ:

Կալանավորվել է «Աշտարակ» ԲԿ-ի տնօրեն Արգիշտի Հովհաննիսյանը

01.07.2024 ● 12:54

Բժշկական կենտրոնի տնօրենը կալանավորվել է մասնավոր ոլորտում առանձնապես խոշոր չափերով կաշառք ստանալու և կաշառք ստանալուն օժանդակելու մեղադրանքով։

Իրենք պատրաստ են անել ավելին, եթե վարչապետի աթոռը իրենց վստահվի․ Փաշինյանը վախենալու բան ունի

Նիկոլիզմի ծննդատան հետքերով

Ադրբեջանցիներն իրենց ոչ սպորտային են պահել ԵԱ-ում հայ բռնցքամարտիկների պարգևատրման ժամանակ (տեսանյութ)

● Լրահոս