Պատասխանելով Երևանի ավագանու ընտրությունների ժամանակ լրագրողների նկատմամբ կիրառված բռնությունների մասին հարցին՝ «Հանրապետական» խմբակցության ղեկավար Գալուստ Սահակյանն ասել է, որ Հայաստանը կոնկրետ բնորոշիչ կեցվածքի լրագրողների կարիք ունի.

-Բազմաթիվ տեղամասերում լրագրողները, փաստորեն, վերցրել են հանձնաժողովի նախագահների լիազորությունները և սկսել են դիտողություններ անել տարբեր քաղաքացիների, որի հետևանքով նաև կարող էր լարվածություն առաջանալ։ Հասարակական պահանջ է դարձել։ Լրագրողը չի կարողանում իր կեցվածքի բնութագիրը հասարակության մեջ ապահովել։ Նա իր ազատությամբ սկսել է արդեն սահմանափակել այլոց ազատությունը։ Սա վատ իրավիճակի հետևանք է, և մենք այստեղ մեղադրում ենք ոչ թե լրագրողներին, այլ հենց գործող իշխանություններին, որ համապատասխան դաշտ չեն ստեղծում, որպեսզի ցիվիլ լրագրողական դաշտ ստեղծվի հանրապետության ներսում՝ թե՛ կրթական ասպարեզում, թե՛ կենսափորձի առումով։