Միջազգային ֆինանսական կազմակերպությունները հակաճգնաժամային ծրագրի շրջանակներում Հայաստանին կտրամադրեն ընդհանուր հաշվով 300 մլրդ դրամի (մոտ 811 հազ. դոլարի) վարկ։ Խորհրդարանական հանդիպումների ժամանակ այդ մասին հաղորդել է ՀՀ վարչապետ Տիգրան Սարգսյանը։

Սարգսյանի խոսքերով՝ Ռուսաստանի, Համաշխարհային բանկի, Արժույթի միջազգային հիմնադրամի,  Ասիական բանկի հետ ՀՀ կառավարության բանակցությունների  շնորհիվ Հայաստանը 300 մլրդ դրամի վարկ է ստանալու հակաճգնաժամային ծրագրի շրջանակներում։ Սարգսյանը նաև տեղեկացրել է, որ շուրջ 500 մլն. դոլարի սահմաններում վարկային միջոցները, որը շաբաթվա վերջին Ռուսաստանը պատրաստվում է տալ Հայաստանին,  կծառայեն շինարարական և մանր ու միջին գործարարության ֆինանսավորմանը։ Որոշ մասը  կտրամադրվի ճգնաժամի հետևանքով կառավարությունում առաջացած ժամանակավոր ֆինանսական խնդիրների լուծմանը, իսկ մնացորդը կավելացվի կառավարության հատուկ հաշվի վրա, որով կծածկվի 2010թ. բյուջեի ծախսերը։