ՀՀ ոստիկանության կրթահամալիրի ակադեմիան հայտարարում է 2012/2013 ուսումնական տարվա ընդունելություն

● Լրահոս

13.06.2012 ● 09:55

ՀՀ ոստիկանության կրթահամալիրի ակադեմիան հայտարարում է 2012/2013 ուսումնական տարվա ընդունելություն

ՀՀ ոստիկանության կրթահամալիրի ակադեմիայի իրավագիտության ֆակուլտետի 2012/2013 ուսումնական տարվա ընդունելության համար սահմանվել է «Իրավագիտություն» մասնագիտությամբ բակալավրի կրթական ծրագրով առկա վճարովի ուսուցման (առանց պարտադիր զինվորական ծառայությունից տարկետման իրավունքի) 50 տեղ:

Ուսման տեւողությունը 4 տարի է: Արական սեռի վճարովի ուսուցման սովորողները չեն օգտվում «Զինապարտության մասին» ՀՀ օրենքի 14-րդ հոդվածի 1-ին կետի «ա» ենթակետով նախատեսված տարկետման իրավունքից: Ուսման կիսամյակային վարձավճարը 250000 դրամ է: Առկա վճարովի ուսուցման ընդունելության մրցույթը հաջողությամբ անցած դիմորդների հետ, մինչեւ նրանց որպես 1-ին կուրսի սովորողներ հրամանագրելը, կնքվում է պայմանագիր, որի տեքստին դիմորդները ծանոթանում են մինչեւ փաստաթղթերը հանձնելը: Ուսումնական պլանով նախատեսված դասընթացն ամբողջությամբ անցած եւ պետական քննությունները հաջողությամբ հանձնած վճարովի ուսուցման շրջանավարտներին շնորհվում է «Իրավագիտություն» մասնագիտությամբ իրավագիտության բակալավրի աստիճան եւ տրվում պետական նմուշի դիպլոմ:

1. Առկա վճարովի ուսուցման համար կարող են դիմել առնվազն միջնակարգ կրթություն ունեցող անձինք:

2. Դիմորդներն ընդունելության քննություններ են հանձնում մրցութային երկու առարկաներից`

- հայոց պատմություն (թեստ),

- հայոց լեզու (թելադրություն):

3. Դիմորդը «Հայոց պատմություն» առարկայի քննությունը, որպես բուհերի ընդունելության միասնական քննություն, հանձնում է «Գնահատման եւ թեuտավորման կենտրոն» ՊՈԱԿ-ի կողմից կազմակերպվող եւ անցկացվող միասնական քննությունների շրջանակում, իսկ «Հայոց լեզու» առարկայի քննությունը` ՀՀ ոստիկանության կրթահամալիրի ակադեմիայում:

Ընդունելության քննությունները գնահատվում են 20 միավորային համակարգով: Դրական են համարվում 8 եւ բարձր միավորները: 7,5 միավորը հավաuարեցվում է 8,0 միավորի` ապահովելով դիմորդի դրական միավորը:

4. Դիմորդը ՀՀ ոստիկանության կրթահամալիրի ակադեմիա է ներկայացնում հետեւյալ փաստաթղթերը`

- անձը (ինքնությունը) հաստատող փաստաթուղթ` անձնագիր, 16 տարին լրացած չլինելու դեպքում` ծննդյան վկայական, ՀՀ ոստիկանության մարմինների կողմից ժամանակավորապես տրված` անձը (ինքնությունը) հաստատող փաստաթուղթ (բնօրինակ եւ պատճեն),

- կրթության մասին վկայական` դիպլոմ կամ միջնակարգ կրթության ատեստատ,

- դիմում,

- զինակոչիկի կցագրման վկայական կամ զինվորական գրքույկ եւ զինվորական կոմիuարիատից տեղեկանք ժամկետային զինվորական ծառայությունն անցած լինելու մաuին,

- «Հայոց պատմություն» առարկայի միասնական քննությունը հանձնելու վերաբերյալ Գնահատման եւ թեuտավորման կենտրոնի կողմից տրված վկայագիր (բնօրինակ),

- ընդհանուր մրցույթում արտոնությունից օգտվելու իրավունք վերապահող փաստաթղթեր (բնօրինակ եւ պատճեն),

- տեղեկանքներ հոգեբուժական, նարկոլոգիական կլինիկաներից եւ հակատուբերկուլյոզային դիսպանսերից,

- 3 x 4 սմ չափսի 4 լուսանկար:

5. Ընդունելության քննությունների կազմակերպման, անցկացման եւ ընթացքի վերահսկման նպատակով ՀՀ ոստիկանության կրթահամալիրի պետի հրամանով ստեղծվում է ընդունող հանձնաժողով:

Ընդունող հանձնաժողովը հաստատում է առարկայական հանձնաժողովի կազմը, ընդունելության քննությունների անցկացման ժամանակացույցը եւ կարգը, կազմակերպում է մրցույթի անցկացումը:

6. Քննությունների կազմակերպման եւ անցկացման նպատակով դիմորդը վճարում է 1500 դրամ: Անկախ քննությանը մասնակցելուց եւ արդյունքից, վճարված գումարը չի վերադարձվում:

7. Հարգելի պատճառով (փաստաթղթերով հաստատված) քննությանը չներկայացած դիմորդներին թույլատրվում է հանձնել այն, եթե քննությունները հանձնելու ժամանակացույցով դրանք չեն ավարտվել:

8. Ընդունող հանձնաժողովն իրավունք ունի քննության նորմալ ընթացքը խանգարող դիմորդին զրկել քննությանը մասնակցելու իրավունքից:

9. Քննության գնահատականը դիմորդին հայտնվում է քննության հաջորդ օրը` ոչ ուշ, քան ժամը 16.00-ն: Դիմորդն իրավունք ունի քննության գնահատականը բողոքարկել ընդունող հանձնաժողովի նախագահին` գնահատականը հայտնելու պահից 24 ժամվա ընթացքում:

Բողոքարկված աշխատանքի վերագնահատումից հետո անհամաձայնության դեպքում 24 ժամվա ընթացքում դիմորդը կարող է դիմել ընդունող հանձնաժողովի նախագահին` անկախ փորձագետ հրավիրելու համար:

10. Ընդունելության քննություններից դրական գնահատականներ ստացած դիմորդներից մրցույթից դուրս ընդունվում են հետեւյալ անձինք`

1) ՀՀ պաշտպանության ժամանակ զոհված (մահացած) ազատամարտիկների եւ զինծառայողների երեխաները,

2) ծառայողական պարտականությունների կատարման ժամանակ ոստիկանության զոհված (մահացած) ծառայողների (զինծառայողների) երեխաները,

3) ժամկետային զինվորական ծառայության պարտականությունները կատարելիս հաշմանդամ դարձած ՀՀ քաղաքացիները:

11. Մրցութային հավասար միավորների դեպքում ըստ հերթականության առավելություն է տրվում`

1) բոլոր տարիների մեդալակիր դիմորդներին,

2) դպրոցականների հանրապետական առարկայական oլիմպիադաների առաջին կարգի դիպլոմ uտացած դիմորդներին:

12. Քննությունը հանձնած, սակայն մրցույթով չանցած դիմորդներին, ըստ նրանց խնդրանքի, ընդունող հանձնաժողովի կողմից տրվում է քննության արդյունքի մասին համապատասխան տեղեկանք:

Դիմորդների փաստաթղթերն ընդունվում են ՀՀ ոստիկանության կրթահամալիրի ակադեմիայում ս/թ հուլիսի 12-ից 26-ը ներառյալ, ամեն օր` ժամը 10.00-ից մինչեւ 15.00-ն, բացի կիրակի օրերից: «Հայոց լեզու» առարկայի ընդունելության քննությունները տեղի կունենան ՀՀ ոստիկանության կրթահամալիրի ակադեմիայում ս/թ օգոստոսի 1-ից 4-ը ներառյալ: Հասցեն` ք. Երեւան, Ծովակալ Իսակովի պողոտա 29:

ՀՀ ոստիկանության կրթահամալիր

● Այս խորագրի վերջին նյութերը

Նիկոլենց համար ՀՀ քաղաքացիները ժեխ են, թնդանոթի միս և համբալ. Տիգրան Ավինյանի հայրը պայթեցրել է համացանցը (տեսանյութ)

27.12.2024 ● 13:18

Տիգրան Ավինյանի հայրը պայթեցրել է համացանցը։

Հենրիխ Մխիթարյանը՝ Հայաստանի 2024 թվականի լավագույն ֆուտբոլիստ

27.12.2024 ● 13:11

Երկրորդ հորիզոնականը 62 միավորով զբաղեցրել է Հայաստանի ազգային հավաքականի և Սլովակիայի «Սլովանի» կիսապաշտպան Տիգրան Բարսեղյանը։

Փաշինյանը տարին ամփոփում է 200 մլն դոլար նոր վարկով

27.12.2024 ● 13:04

Վարկը կտրամադրի Եվրասիական զարգացման բանկը։

Միջերկրական ծովի շրջաններից ցիկլոն կներթափանցի Հայաստան

27.12.2024 ● 12:29

Երևանում նույնպես սպասվում են տեղումներ. բարձրադիր գոտում` ձյան, ցածրադիր գոտում` թաց ձյան և ձնախառն անձրևի տեսքով։

Ներողությանը պետք է հաջորդի հրաժարականի տեքստը (տեսանյութ)

26.12.2024 ● 21:55

Գևորգ Ստեփանյանն անդրադարձել է Տիգրան Ավինյանի հոր վիրավորական արտահայտություններին՝ քաղաքացիների վերաբերյալ, և Ավինյանի ներողություն խնդրելուն։

Երբ քեզ շպրտած գոյության ակնթարթները հարատև խաղաղություն ես համարում, անցյալը վերադառնում է ու քաղցած գայլի պես նայում աչքերիդ

26.12.2024 ● 21:10

Երբ քեզ շպրտած գոյության ակնթարթները հարատև խաղաղություն ես համարում, անցյալը վերադառնում է ու քաղցած գայլի պես նայում աչքերիդ։

Այս իշխանության ապազգային քայլերից մեկն է զրկել Վեհափառ Հայրապետին ամանորից անմիջապես առաջ խոսք հղել մեր հայրենակիցներին

Հերթական կռուտիտը` կռուտիտի արքաների կողմից

Երևանի քաղաքապետարանը շարունակում է զբաղվել էկոցիդով

● Լրահոս