Ոստիկանությունը հետիոտներին հորդորում է լինել կարգապահ

● Լրահոս

12.06.2012 ● 09:54

Ոստիկանությունը հետիոտներին հորդորում է լինել կարգապահ

Հետիոտնը ճանապարհային երթևեկության լիիրավ մասնակիցն է և նույնքան պատասխանատու է երթևեկության անվտանգության համար, որքան մյուս մասնակիցները: Ցավոք, այս իրողությունը միշտ չէ, որ հասու է լինում մեր որոշ համաքաղաքացիների, որոնք երթևեկության կանոնների կոպիտ խախտումներով վտանգում են ոչ միայն մյուսների, այլև իրենց կյանքն ու առողջությունը:

Ոստիկանությունը, կանխարգելիչ միջոցառումներից զատ, բազմիցս դիմել է հետիոտներին` հորդորելով զերծ մնալ ճանապարհային երթևեկության կանոնների խախտումից:

Չնայած ձեռնարկված միջոցներին` ստիպված ենք փաստել, որ ոչ բոլորն են ընդունակ տարրական կարգապահության, ոչ միշտ են ականջալուր բանականության ձայնին, ինչի վկայությունն է այն, որ վրաերթերի զգալի մասը տեղի է ունենում հետիոտնի անկարգապահության ու քմահաճության հետևանքով:

Հարգելի հետիոտնե՛ր, ոստիկանությունը կրկին կոչ է անում ու հորդորում` պահպանեք ճանապարհային երթևեկության կանոնները, փողոցները հատեք բացառապես գետնուղիներով կամ նախատեսված անցուղիներով, լուսակրի թույլատրող նշանի առկայությամբ, մի՛ անտեսեք ճանապարհային ոստիկանի հրահանգները, հարգե՛ք երթևեկության մյուս մասնակիցների իրավունքներն ու, ընդհանրապես, համակեցության կանոնները:

Հիշե՛ք. օրինապահությունը ոչ միայն ճանապարհային անվտանգության ապահովման, այլև ձեր կյանքի և առողջության պահպանման կարևորագույն գրավականն է:

Իսկ այն հետիոտները, որոնք կշարունակեն չարամտորեն խախտել երթևեկության կանոնները, կպատժվեն օրենսդրությամբ սահմանված կարգով և ողջ խստությամբ` հանուն իրենց իսկ ապահովության:

ՀՀ ոստիկանություն

● Այս խորագրի վերջին նյութերը

Սունդուկյանի անվան ազգային ակադեմիական թատրոնի տնօրենի կողմից շարունակվում են ապօրինությnւնները. «Գոյ» թատրոնի հայտարարությունը

05.11.2024 ● 22:27

2024թ․ նոյեմբերի 4-ին «Գոյ» թատրոնը պետք է սկսեր իր բնականոն աշխատանքը` մինչ այդ գործով դատարանի վերջնական վճիռը:

Երևանի 9%-ոց ոչ լեգիտիմ քաղաքային «իշխանության» հերթական նվերը քաղաքացիներին

05.11.2024 ● 21:43

Երևանում գույքահարկը բարձրանալու է 50 տոկոսով։ Քաղաքացին տուգանքի մատերիալ է և վերջ։

Աննա Հակոբյանին վերապահված է ստվերային «կարդինալուհու» դերը. Անդրանիկ Թևանյան (տեսանյութ)

05.11.2024 ● 21:33

«Մայր Հայաստան» շարժման առաջնորդ Անդրանիկ Թևանյանը հյուրընկալվել է Հ2 հեռուստաալիքին:

Կողբում հանրային սննդի օբյեկտի գործունեություն է կասեցվել

05.11.2024 ● 19:02

Տեսչական մարմնի ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, հայտնաբերված խախտումները վերացնելու համար սահմանվել է ժամկետ։

Գերմանիայում չեն կարողանում գտնել հաջողակին, որը վիճակախաղով 1,1 մլն եվրո է շահել

05.11.2024 ● 18:45

Գերմանիայում վիճակախաղի շահումները չեն հարկվում, քանի որ դրանք հիմնված են հաջողության վրա:

Մոսկվան, ի տարբերություն արևմտյան կեղծավոր միջնորդների, Երևանին և Բաքվին չի դրդում հապճեպ խաղաղության պայմանագիր կնքել. Լավրով

05.11.2024 ● 18:03

ՌԴ-ն վստահ է, որ հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի։