Երևանի քաղաքապետարանի գեղարվեստական խորհուրդը հավանություն է տվել Կարա-Բալայի արձանը Աբովյան փողոցում վերատեղադրելու հարցին:  

Նշենք, որ «Ֆեյսբուք» սոցիալական ցանցում «Կարա–Բալայի արձանը սխալ տեղում է կանգնած» անվամբ խումբ էր ստեղծվել, որի անդամները պահանջում էին տեղափոխել այն։  

«Սիրելի՛ երևանցիներ, ամեն օր տեսնելով Կարաբալայի արձանը «Москвичка» սուպերմարկետի դիմացը լքված կանգնած՝ ափսոսում եմ, որ իբր թե արձանի լինելությամբ հարգանք ենք մատուցում իրեն... եկեք փորձենք նրան տեղափոխել Աբովյան փողոցի իր նախկին տեղը, որտեղ նա անցորդներին իրոք կբաժանի իր վարդերը... Այս փոքր քայլով փորձենք մի փոքրիկ դետալ մեր հին քաղաքից ետ բերել»,–ասված է խմբի հայտարարության մեջ։

Անդրադառնալով այս նախաձեռնությանը՝ Երևանի քաղաքապետ Տարոն Մարգարյանը ֆեյսբուքյան իր էջում գրել էր.

«Հարգելի համաքաղաքացինե՛ր, Երևանի քաղաքապետարանն արդեն քննարկում է Կարաբալայի արձանի տեղափոխման հարցը: Առաջիկայում իմ կողմից այս հարցը կդրվի քննարկման քաղաքաշինության գեղարվեստական խորհրդում: Արդյունքների մասին կտեղեկացվի հանրությանը»:

7or.am