Այսօր Ճանապարհային ոստիկանության նախկին պետ Մարգար Օհանյանի դատավարության շարունակությունն է։ Վերջին շրջանում այն շարունակ հետաձգվում էր պաշտպան Մկրտիչ Վասակյանի վատառողջության պատճառով։

Այսօր Մարգար Օհանյանի պաշտպանը պետք է հանդես գար պաշտպանական ճառով: Մինչ այդ Մ. Օհանյանը հայտարարել է, որ կորցնելու այլև ոչինչ չունի, ինչ ուներ՝ պաշտոն, աշխատանք, կորցրել է, բայց և չի ամաչում իր որդուց, մորից և ընկերներից: Իսկ պաշտպանն Օհանյանի նկատմամբ իրականացված քրեական հետապնդումը համարում է անհիմն: Այժմ դատարանը խորհրդակցական սենյակում է։ 

Հիշեցնենք, որ մեղադրող դատախազ Հարություն Հարությունյանը պահանջել էր Մարգար Օհանյանին դատապարտել 8 տարվա ազատազրկման՝ գույքի կեսի բռնագրավմամբ, պատժի հաշվարկն էլ սկսել 2011թ. օգոստոսի 30-ից։

Գործով անցնող մյուս ամբաստանյալների՝ Սամվել Մախմուրյանի, Ստեփան Կարախանյանի և Արա Լևոնյանի պատիժներն էլ դատախազը միջնորդել էր պայմանականորեն չկիրառել։

7or.am