ԱՄՆ պետքարտուղար Հիլարի Քլինթոնը երկրորդ անգամ Հայաստան է այցելում 2012-ի հունիսի 4-ին: Հայտնի է, որ հայերի համար 1918-ի հունիսի 4-ը Բաթումի խնդրահարույց պայմանագրի կնքման օրն է, իսկ դրա տրամաբանական շարունակությունը մեր օրերում նույնքան խնդրահարույց Հայաստան-Թուրքիա Արձանագրություններն են:

Այսու, հարց է ծագում, ԱՄՆ պետքարտուղար Հիլարի Քլինթոնը համաձա՞յն է Բաթումի դաշնագրի եւ Հայաստան-Թուրքիա Արձանագրությունների բովանդակային հենքին, թե՞ ոչ: Կարծում ենք կարելի է նրանից իմանալ այդ կարեւոր հարցի պատասխանը եւ միաժամանակ նշել, որ մենք հասկանում ենք, թե ինչ օր է ընտրվել Հայաստան այցելության համար:

Հիշեցնենք որ նախորդ այցելությունը Հայաստան տեղի էր ունեցել 2010-ի հուլիսի 4-ին, այսինքն` ԱՄՆ անկախության օրը: Իսկ դա նշանակում էր արդյո՞ք, որ Քլինթոնը այն ժամանակ բարձր էր գնահատում Հայաստանի անկախության փաստը:

«Ուխտ Արարատի», Հայաստանի Ազատագրության Հայ Գաղտնի Բանակի ազատամարտիկների եւ նախկին քաղբանտարկյալների հասարակական նախաձեռնություն