Այսօր Կառավարությունը փոփոխություններ է կատարել իր ավելի վաղ ընդունած «ՀՀ ներկրված արևածաղկի ձեթի իրացման մասին» որոշման մեջ։ Ըստ այդ փոփոխության՝ ընտանիքների անապահովության գնահատման համակարգում հաշվառված և անապահովության «0» միավորից բարձր միավոր ունեցող 119 հազ ընտանիքի կտրամադրվի 3-ական շիշ արևածաղկի ձեթ։

358017 շիշ ձեթի փոխադրման, բեռնման և բեռնաթափման աշխատանքների իրավունքը կատարվելու է «Ապավեն» ՍՊԸ–ի միջոցով։

Հիշեցնենք, որ 2011թ. դեկտեմբերի 15–ին էլ ՀՀ կառավարությունը որոշել էր ՀՀ–ին որպես մարդասիրական օգնություն հատկացված 1 մլն 86 հազ 960 շիշ արևածաղկի ձեթից որպես սոցիալական աջակցություն տրամադրել ՀՀ մարզերում և Երևան քաղաքում 2011թ. դեկտեմբերի 1-ի դրությամբ ընտանիքների անապահովության գնահատման համակարգում հաշվառված և անապահովության «0» միավորից բարձր միավոր ունեցող ընտանիքներին՝ յուրաքանչյուրին 3–ական շիշ։

Մամուլում, սակայն, գրվեց, որ այդ ձեթը ժամկետանց է, իսկ այն ստանալու համար բազմաթիվ հերթեր էին գոյանում։

7or.am