Այսօրվա ասուլիսին Եվրոպայի հայկական միությունների ֆորումի նախագահ Աշոտ Գրիգորյանը հիշեցրել է, որ Սլովակիայում Հայոց ցեղասպանությունը ժխտողներին հինգ տարի ազատազրկում է սպասվում։

«Սլովակիան ընդունեց Հայոց ցեղասպանության մերժման քրեական օրենքը, սակայն հայկական մամուլը լռում է այդ մասին»,–ասել է բանախոսը։

«Սլովակիայում Ադրբեջանի դեսպանն ադրբեջանական ԶԼՄ-ին տեղեկացրել է, որ նման օրենք չի ընդունվել և երբևէ չի էլ ընդունվի: Մենք նամակով դիմեցինք նրան պարզաբանում ստանալու համար, սակայն մնաց անպատասխան: Հետո ստացա նամակ, թե ՀՀ արտգործնախարարը դեմ է, որ մենք բարձրաձայնենք Սլովակիայում ընդունված օրենքի մասին»,- ասել է Ա. Գրիգորյանը:

Վերջինս հիշեցրել է, որ Ֆրանսիայի Սենատում Ցեղասպանության ժխտումը քրեականացնող օրենքի քննարկման սկզբում Սենատի նախագահը հիշեցրել է, որ նման օրենք արդեն Սլովակիան ընդունել է:

«Ես հիմա կոկորդով պետք է բղավեմ՝ եթե ձեռք ձեռքի տված չեք պայքարելու, խնդրում ենք, եթե չեք օգնում, մի՛ խանգարեք, իսկ եթե խանգարում եք, ամո՛թ ձեզ. ինչպե՞ս կարող եք խանգարել»,– ընդգծել է Աշոտ Գրիգորյանը:

7or.am