Անդրադառնալով երեկ Երևանում տեղի ունեցած Բազմազանության շքերթին` «Հայազն» միության ներկայացուցիչ Դավիթ Խոսրովյանը լրագրողներին ասել է, որ իրենք մերժում են մարտնչող անբարոյության ագրեսիվ քարոզը, որը բխում է եվրոպական դիրքորոշումից և շռայլորեն ֆինանսավորվում:

–Այդ քարոզչության ընթացքում օգտագործվում են անիմաստ և իմաստափոխված հասկացություններ, ինչպիսիք են՝ «սեռական կողմնորոշում», «գենդերային ինքնություն», «սեռական փոքրամասնություն» և «երջանկության իրավունք»: Մենք ինչպե՞ս հասկանանք Սերոբ Տեր–Պողոսյանի երջանկության իրավունքը, երբ նա դա գտնում էր անչափահաս տղաների մեջ։ Մենք դատապարտում ենք բոլոր գործիչներին ու կազմակերպություններին, այդ թվում՝ պետական հաստատություններին, որոնք գավառամտորեն կամ շահադիտական նկատառումներով սպասարկում են եվրոպական այս քաղաքականությունը Հայաստանում,–ասել է նա՝ ավելացնելով, որ մշակութային բազմազանություն քարոզողների նպատակն իրականում անբարոյության քարոզն է։

7or.am