Դիտորդներն արձանագրել են ընտրակեղծիքների և ընտրախախտումների լուրջ դեպքեր

● Լրահոս

08.05.2012 ● 13:22

Դիտորդներն արձանագրել են ընտրակեղծիքների և ընտրախախտումների լուրջ դեպքեր

2012թվ. մայիսի 6-ին «Երիտասարդական նվաճումներ» հասարակական կազմակերպությունը իրականացրեց քվեարկության գործընթացի դիտարկումներ 9 և 10 ընտրատարածքներում` Երևանում, և Գեղարքունիքի մարզի 23 ընտրատարածքում, որպեսզի ապահովի անկախ գնահատում 2012թ. խորհրդարանական ընտրությունների անցկացման ընթացքում:

«Երիտասարդական նվաճումներ» ՀԿ-ն տեղաբաշխեց 175 դիտորդներ, որոնք հավատարմագրվել էին Կենտրոնական ընտրական հանձնաժողովի կողմից ընտրության օրը քվեարկությունը դիտարկելու նպատակով: Դիտորդները դիտարկել են ընտրական օրվա գործընթացները` ներառյալ ընտրատեղամասերի բացումը, քվեարկությունը, քվեաթերթիկների հաշվարկը և արդյունքների ամփոփումը երեք ընտրատարածքների 137 ընտրատեղամասերում:

Ընտրության օրը խաղաղ է անցել. «Երիտասարդական նվաճումներ» ՀԿ-ի դիտորդները կարողացել են ազատ տեղաշարժվել ընտրատեղամասերում և դիտարկել ընտրական գործընթացը: Ընտրացուցակները հիմնականում եղել են ճշգրիտ, բացառությամբ մի քանի դեպքերի, որոնք գրանցվել են երեք ընտրատեղամասերում: Ընտրության գաղտնիությունը հիմնականում ապահովվել է, բացառությամբ որոշ դեպքերի, երբ ընտրողները քվեարկել են բաց կամ ընտրախցիկից դուրս:

Ցավոք, դիտորդները նաև արձանագրել են ընտրակեղծիքների և ընտրախախտումների լուրջ դեպքեր: Ըստ ԵՆ ՀԿ-ի դիտորդների հավաքած նախնական տեղեկատվության` դիտարկվել են հետևյալ ընդհանուր խախտումները մի շարք ընտրատեղամասերում`

- որոշ ընտրատեղամասերում մարդիկ քվեարկել են իրենց հարզատների փոխարեն նրանց անձնագրերով` չհանդիպելով ընտրական հանձնաժողովի կողմից որևէ արգելքի,

- մի քանի վստահված անձիք միևնույն կուսակցությունից ներկա են գտնվել նույն ընտրատեղամասում միևնույն ժամանակ, որը հանդիսանում է Ընտրական օրենսգրքի 33.3 Հոդվածի խախտում, և միջամտել են ընտրական հանձնաժողովի աշխատանքներին,

- գրեթե բոլոր տեղամասերում հաշմանդամ մարդկանց համար գաղտնի քվեարկությունն

ապահոված չի եղել և ընտրական հանձնաժողովները չեն արձանգրել այդ փաստը իրենց գրանցամատյաններում ըստ օրենքի,

- եղել են չկնքված ծրարների` ընտրատուփի մեջ գցելու դեպքեր,

- եղել են դեպքեր, երբ մի շարք կուսակցությունների վստահված անձիք վերահսկել են քաղաքացիներին` տեղեկանալու, թե ում օգտին են նրանք քվեարկել,

- եղել են դեպքեր, երբ ընտրական գործընթացի ընթացքում քվեարկողները լուսանկարել են իրենց քվեաթերթիկները` չհանդիպելով ընտրական հանձնաժողովի անդամների և վստահված անձանց կողմից որեւէ արգելքի,

- որոշ դեպքերում զինվորները քվեարկել են իրենց բարձրաստիճան սպաների ներկայությամբ ` տեղեկացնելով վերջիններիս, թե ում օգտին են քվեարկել,

- երբեմն մարդիկ դուրս են եկել ընտրախցիկից առանց քվեաթերթիկը ծրարի մեջ դնելու` այսպիսով չպահպանելով քվեարկության գաղտնիությունը,

- վստահված անձիք կամ ընտրական հաձնաժողովի անդամները շշուկով հարցրել են իրենց ընկերներին կամ բարեկամներին, թե ում օգտին են նրանք քվեարկել,

- որոշ դեպքերում Երևանի 9 և 10 ընտրատեղամասերում մարդկանց կուտակումներ են նկատվել, որը Ընտրական օրենսգրքի 21.4 Հոդվածի խախտում է հանդիսանում,

- որոշ դեպքերում մարդկանց ամբոխներ են նկատվել` ավելի քան 15 քաղաքացիներ ընտրատեղամասի ներսում միևնույն ժամանակ,

- վերը նշված բոլոր ընտրատեղամասերում եղել է ընդհանուր խնդիր կապված ժամանակավոր կնիքների հետ, որոնք անհետացել են անձնագրերից քվեարկությունից մեկ ժամ անց,

- եղել են դեպքեր, երբ քվեաթերթիկների հաշվարկի գործընթացքը չի կատարվել օրենքի սահմաններում,

- որոշ դեպքերում ընտրական հանձնաժողովը միտումնավոր հետաձգել է գրանցամատյանում արձնագրությունների կատարումը, որպեսզի դիտորդներին չտրամադրի քաղվածք,

- որոշ դեպքերում հաշվարկման գործընթացը շատ ուշ է սկսվել,

- մի քանի ընտրատեղամասում եղել է բացահայտ լցոնման դեպքեր,

- ընթացակարգային խախտումներ են գրանցվել հաշվարկման ընթացքում:

Երիտասարդական նվաճումները չի իրականացրել երկարաժամկետ դիտարկումներ և նրա գնահատումը վերաբերում է միայն այն միջադեպերին, որոնք դիտարկվել են դիտորդների կողմից ընտրության օրը և գիշերը վերը նշված ընտրատարածքներում:

Այս մամլո հաղորդագրությունը տարածվել է անմիջապես ընտրություններից հետո նախքան «Երիտասարդական նվաճումներ» ՀԿ-ն հնարավորություն կունենար կատարել ընտրության օրվա վերաբերյալ իր դիտորդների կողմից հավաքագրված տեղեկատվության մանրակրկիտ վերլուծությունը և նախքան քվեարկության և ամփոփման բոլոր արդյունքների հետ կապված գործընթացների ավարտը:

«Երիտասարդական նվաճումներ» ՀԿ-ն կտրամադրի վերջնական զեկույցը ընտրական գործընթացների և ստացված տեղեկատվության հավաքագրման և վերլուծության ավարտից հետո:

«Երիտասարդական նվաճումներ» ՀԿ-ն շահույթ չհետապնդող, ոչ պետական, կրթական կազմակերպություն է: Կազմակերպությունը հիմնադրվել է 1994 թվականին և պաշտոնապես գրանցված է Հայաստանի Հանրապետության Արդարադատության նախարարությունում: Ավելի քան 17 տարի «Երիտասարդական նվաճումներ» ՀԿ-ն իրականացրել է մի շարք կրթական, բարեգործական և միջմշակութային ծրագրեր, որոնց նպատակն է եղել խթանել ժողովրդավարության, մարդասիրության, մարդու իրավունքների և ազատության արժեքները:

Երիտասարդական նվաճումներ ՀԿ

● Այս խորագրի վերջին նյութերը

Նոյեմբերի 5-ը Ռազմական հետախույզի օրն է

05.11.2024 ● 08:02

1992թ. այս օրն ազատամարտիկների որոշ ջոկատների հիմքի վրա ստեղծվեցին Պաշտպանության բանակի առանձին հետախուզական ստորաբաժանումները։

Ձորաղբյուրում «Opel»-ի և «ԻԺ»-ի մասնակցությամբ ավտովթար-հրդեհի հետևանքով հիվանդանոց տեղափոխված վարորդները մահացել են

05.11.2024 ● 07:35

Բախման հետևանքով «Opel Astra»-ը դուրս էր եկել երթևեկելի գոտուց, բախվել ծառին, հայտնվել բնակչի շինության քարե պարսպի տակ և բռնկվել։

ԱԺ ՔՊ խմբակցության պատգամավորների գնահատականները մեր գործունեության վերաբերյալ սուբյեկտիվ են․ «Շողակաթ» հեռուստաընկերություն

05.11.2024 ● 07:09

Հոկտեմբերի 29-ին Աժ-ում գնահատական տրվեց Հոգևոր-մշակութային հանրային հեռուստաընկերության «Շողակաթ» ծրագրի վերաբերյալ:

Քաղաքային 9%-ոց «իշխանության» հերթական փուչիկը պայթեց (տեսանյութ)

04.11.2024 ● 20:28

Դուք կտրվել եք իրականությունից ու հանրությունից, դուրս եկե՛ք ձեր տաքուկ վայրերից ու ըմբոշխնեք քաղաքացիների սերն ու համերաշխությունը։

Ագարակը 75 տարեկան է (տեսանյութ)

04.11.2024 ● 20:00

Սյունիքի մարզի Ագարակ քաղաքում նոյեմբերի 2-ին տեղի են ունեցել տոնական միջոցառումներ՝ քաղաքի հիմնադրման 75-ամյակի առթիվ։

Ուշիի ոլորաններում բախվել են «Range Rover»-ն ու «ՎԱԶ 2107»-ը. կա 1 զոհ, 1 վիրավոր

04.11.2024 ● 19:34

Քննիչի հանձնարարականով՝ ավտոմեքենաները տեղափոխվել են ոստիկանության Աշտարակի բաժնի պահպանվող հատուկ տարածք:

Քաղաքային 9%-ոց «իշխանության» հերթական փուչիկը պայթեց (տեսանյութ)

Մետրոյի հերթերը և քաղաքային իշխանության պատկերը (տեսանյութ)

Մետրոյի մյուս կայարանը լինելու է ուսանողական քաղաքում․ ինչի՞ն եք ավելի «շատ» հավատում

● Լրահոս