Բրիտանական առաջատար BBC հեռուստաալիքն անդրադարձել է երեկ ՀՀԿ նախընտրական հավաքի ժամանակ տեղի ունեցած պայթյունին, որի արդյունքում 144 մարդ տարբեր աստիճանի այրվածքներով տեղափոխվել է հիվանդանոց:

BBC-ն նշում է, որ պաշտոյաները պայթյունի պատճառը համարում են փուչիկների կողքին վառված սիգարետը:Փուչիկները զարդարված էին իշխող Հանրապետական կուսակցության «Հավատանք, որ փոխենք»կարգախոսով :

Ըստ BBC-ի`հայկական լրատվամիջոցների տարածած տեսանյութերում երևում է, որ մարդիկ բղավում ու վազում են, իսկ նրանից ոմանց հագուստը վառվում է. «Քաոս էր, քանի որ մարդիկ փորձում էին փրկվել կրակից»:

Ապա հատուկ շեշտադրում, որ չնայած միջադեպին` նախագահ Սերժ Սարգսյանը ելույթ ունեցել հանրահավաքի մասնակիցների առաջ:

Կից տեսանյութում ֆիքսված է պայթյունից հետո Սերժ Սարգսյանի`ելույթ ունենալու համար հարթակին մոտենալու պահը (նայել 4:17 րոպեից):