«ՀԿԵ» ՓԲԸ գլխավոր տնօրենը ՀՀ վարչապետին է ներկայացրել Ընկերության կոնցեսիոն պարտավորությունների կատարման ընթացքը

● Լրահոս

13.04.2012 ● 10:59

«ՀԿԵ» ՓԲԸ գլխավոր տնօրենը ՀՀ վարչապետին է ներկայացրել Ընկերության կոնցեսիոն պարտավորությունների կատարման ընթացքը

«Հարավկովկասյան երկաթուղի» ՓԲԸ–ի գլխավոր տնօրեն Վիկտոր Ռեբեցը հանդիպել է Հայաստանի Հանրապետության վարչապետ Տիգրան Սարգսյանի հետ: Հանդիպման ընթացքում կողմերը քննարկել են ՀԿԵ-ի ներդրումային ծրագրի իրականացման և կոնցեսիոն պարտավորությունների կատարման ընթացքը, երկաթուղու 1-ին եռամսյակում կատարած աշխատանքները, 2012թ. համար բեռնափոխադրումների զարգացման հեռանկարները:

«ՀԿԵ» ՓԲԸ–ի գլխավոր տնօրենը Հայաստանի Հանրապետության վարչապետին է ներկայացրել Զամանլուի կամրջի վերակառուցման և շրջակա երկաթուղային ենթակառուցվածքի զարգացման ծրագրի իրականացման ընթացքը, որը ներառում է վազքուղիների և Շահալի, Փամբակ ու Վանաձոր կայարանների արդիականացումը:

Ինչպես նշեց Վ. Ռեբեցը, Հարավկովկասյան երկաթուղին հատուկ ուշադրություն է դարձնում սեփական արտադրական հզորությունների հիման վրա շարժակազմի արդիականացմանը:

Հայաստանի Հանրապետության վարչապետն ու «ՀԿԵ» ՓԲԸ–ի գլխավոր տնօրենը քննարկեցին նաև կոնցեսիոն պայմանագրի շրջանակներում լրացուցիչ համաձայնագրի կնքման ընթացքը, սակագնային քաղաքականության պետական կառավարման հեռանկարները, մասնավորապես՝ պետության կողմից երկաթուղու համար ոչ շահավետ սակագների փոխհատուցման հնարավորությունը:

● Այս խորագրի վերջին նյութերը

Տարեկան ավելի քան 25 մլն դոլար տակով են անում

02.11.2024 ● 20:38

Ստվերն ունի հովանավոր, և օրական ավելի քան 30 մլն դրամը, իսկ տարեկան կտրվածքով՝ 11 միլիարդ դրամը գնում է շատ կոնկրետ մարդկանց գրպանը, և դրանք վարորդները չեն։