Ադրբեջանը գողանում է պարսկական պատմամշակութային ժառանգությունը

● Լրահոս

10.04.2012 ● 17:40

Ադրբեջանը գողանում է պարսկական պատմամշակութային ժառանգությունը

Ադրբեջանական լրատվամիջոցները հայտնում են, որ Հռոմում կառուցվելու է պարսիկ բանաստեղծ, փիլիսոփա Նիզամի Գյանջևիի հուշարձանը, որը, սակայն, անհասկանալի կերպով հռչակվել է ադրբեջանցի բանաստեղծ և փիլիսոփա։ Հեյդար Ալիևի հիմնադրամն Իտալիայում Ադրբեջանի դեսպանատան հետ համատեղ կատարում է անհրաժեշտ աշխատանքները հուշարձանը կառուցելու համար։

Ադրբեջանական լրատվամիջոցները փաստում են, որ հուշարձանի նախագիծն արդեն իսկ հաստատված է Հռոմի քաղաքապետարանի պատմական և մշակութային հանձնաժողովի կողմից։

Աբու Մուհամմադ Իլիաս իբն Յուսուֆ իբն Զաքի Մուայադը, ով հայտնի է Նիզամի կեղծանունով, համարվում է պարսկական պոեզիայի դասականներից, մեծագույն բանաստեղծ–ռոմանտիկ, ով պարսկական էպիկական գրականություն է բերել խոսակցական լեզուն և իրատեսական ոճը։ Նիզամի Գյանջևին ծնվել է 1141թ. պարսիկ պաշտոնյայի ընտանիքում, մայրը քուրդ է եղել՝ հավանաբար, քրդական ցեղերից մեկի առաջնորդի դուստրը։

Պարսիկ գրողին Ադրբեջանի հետ կապող թերևս միակ բանը ծննդավայրն է. Նիզամին ծնվել է ներկայիս Ադրբեջանի տարածքում գտնվող Գյանջա քաղաքում։

● Այս խորագրի վերջին նյութերը

Տարեկան ավելի քան 25 մլն դոլար տակով են անում

02.11.2024 ● 20:38

Ստվերն ունի հովանավոր, և օրական ավելի քան 30 մլն դրամը, իսկ տարեկան կտրվածքով՝ 11 միլիարդ դրամը գնում է շատ կոնկրետ մարդկանց գրպանը, և դրանք վարորդները չեն։