Այսօր «Թռչկան» քաղաքացիական նախաձեռնության կազմակերպած բնապահպանական կոնֆերանսի ժամանակ «Հայաստանի կանաչների միության» նախագահ Հակոբ Սանասարյանն ասել է, որ Հանրապետությունում հանքարդյունաբերությունն այսօր չի ծառայում ո՛չ պետությանը, ո՛չ էլ ժողովրդին:

«Այնպիսի օրենքներ, կարգեր, ենթաօրենսդրական ակտեր են ընդունվել, որ ժողովրդի ունեցվածքն առանց հանրության կարծիքը հարցնելու բաժին է հասնում մի քանի ընտանիքների»,-ասել է բնապահպանը։

Ըստ Սանասարյանի՝ չորս տարի առաջ առկա խնդիրների վերացման վերաբերյալ առաջարկները ներկայացրել է վարչապետին, ով «փորձել է միջամտել, բայց ճանապարհի կեսին արգելվել է»: Հանրային խորհրդում հարցը, ըստ նրա, քննարկվել է 1,5 տարի առաջ և դրանով էլ ավարտվել:

«Կառավարությունը, Ազգային ժողովն ընդունում են այնպիսի օրենքներ, որոնք բխում են միայն մի քանի ընտանքիների շահերից, իսկ պետությանը հասցնում միլիարդավոր դրամների վնաս։ Նման պայմաններում Հայաստանում չի զարգանա նաև տուրիզմը: Ոչ մի դեբիլ իր զավակներին, հարազատներին չի ուղարկի մի երկիր, որպեսզի նա թունավոր թափոնների մեջ շրջագայի, թունավոր վայրերում հանգստանա»,-ասել է Հ. Սանասարյանը:

7օr.am