«Եվրանեսթ» ԽՎ լիագումար նիստի մանրամասներն են այսօր ներկայացրել Բաքվից վերադարձած հայկական պատվիրակության ներկայացուցիչները։ ԲՀԿ խմբակցության անդամ Նաիրա Զոհրաբյանն ընդգծել է, թե մասնակցությունը նիստին ցույց է տվել, որ Ադրբեջանում հայատյացությունը մեկ մարդու քաղաքականությունն է։ «Թե՛ մասնավոր զրույցներում, թե՛ քաղաքական շրջանակներում զրույցները հայկական պատվիրակության անդամներին բերել են այն համոզման, որ այդ մարդիկ բացարձակ այն տրամադրվածությունը չունեն, ինչ քարոզում է Ալիևը: Ադրբեջանի ժողովուրդը ուղղակի Ալիևի պատանդն է` մենք գործ ունենք ակնհայտ սուլթանատի հետ»,–ասել է Նաիրա Զոհրաբյանը:

«Շատ է փորձ արվել «Եվրանեսթ»–ի շրջանակներում արծարծել ու տեղավորել ԼՂ հիմնախնդիրը, բայց միշտ հայտարարվել է, որ դա այդ հարթակը չէ, և նույնը տեսանք նաև այս անգամ»,-նշեց ՀՅԴ խմբակցության անդամ Լիլիթ Գալստյանը:
«Ժառանգության» ներկայացուցիչ Ստեփան Սաֆարյան էլ ասել է, որ եվրոպացի պատվիրակների գնահատմամբ` հայկական պատվիրակությունը Բաքվից հեռացավ՝ իր հետ տանելով հարգանք ու արժանապատիվ պատվիրակության դափնիները:

7or.am