Այսօր քաղաքացիների խորհրդաժողովը քննարկել է Մաշտոցի այգու անօրինական կրպակները ապամոնտաժելու խնդիրը։ Հիշեցնենք, որ բնապահպան ակտիվիստները 40 օր շարունակ բողոքի գործողություն են իրականացնում Մաշտոցի պուրակում՝ պահանջելով ապամոնտաժել տեղադրված կրպակները։

Քննարկվել է բաց նամակի նախագիծը, որն ուղարկվելու է ՀՀ ոստիկանապետ Վլադիմիր Գասպարյանին, մյուսն էլ՝ Երևանի քաղաքապետարանին: Նամակում ոստիկանապետին տեղյակ է պահվելու ապամոնտաժման մասին, նշվելու են մասնակիցների անունները, ժամանակը, օգտագործվելիք գործիքները եւ այլն, ինչպես նաև կոչ՝  ապահովել անվտանգությունը։ Նամակը կուղարկվի վաղն առավոտյան:

Մասնակիցների մեջ են  կինոռեժիսոր Տիգրան Խզմալյանը, քաղաքագետներ Մանվել Սարգսյանը, Անդրեաս Ղուկասյանը, Ստեփան Դանիելյանը,  «Սարդարապատ» շարժման նախաձեռնող անդամ Ժիրայր Սեֆիլյանը, ԳԱՏԱՀ գիտական հիմնադրամի նախագահ Հարություն Կարապետյանն ու  այլոք:

7or.am