Հաղորդագրություն

Արդարադատության նախարարի  հայտարարության մասին

Այն  է՝ «Արդարադատության  նախարարությունը   անմիջական  առնչություն  չունի  ընտրական  գործընթացների հետ»:

Այս  հայտարարությունը  արել  է  մեր  երկրի  արդարադատության նախարարը  ԵԱՀԿ ԺՀՄԻԳ դիտորդական առաքելության  ղեկավարի  հետ  երեկվա հանդիպման  ժամանակ /Հ.Գ./:

   Հավանաբար, մոռացել  է  միայն   նշել, որ  անմիջական առնչություն  ունի  միայն  ՀՀԿ-ական  քարոզչության  հետ, որի  արդյունքում  էլ  կուսակցական  է  դարձել, այն  էլ՝ ընտրական գործընթացներում:

    Ինչևէ, սա այն  դեպքն  է, որ  պետք  է  համաձայնվել  նորաթուխ  ՀՀԿ-ականի  հետ, քանի  որ  իրոք, արդարադատության  նախարարությունը բացարձակապես  չի  կատարում  Պետական լիազոր  մարմնի իր պարտականությունները  և, որպես հետևանք՝

- ՀՀԿ-ական  պաշտոնատար անձինք  զանգվածային  ձևով  իրենց  ծառայողական  դիրքն  օգտագործում  են  հօգուտ  կուսակցական շահերի՝   ՀՀԿ-ական  Վարչապետի  գլխավորությամբ,

- պետական  ահռելի  միջոցներ  են օգտագործվում  ՀՀԿ-ական քարոզչության համար,

- բանը  հասել  է նրան, որ  ՀՀ  Նախագահի  պաշտոնական կայքը  վերածվել  է  ՀՀԿ-ական  քարոզչության  աղբյուրի,

- կուսակցություններն, այն  էլ՝ ընտրություններին  մասնակից, առատորեն   զբաղվում  են  բարեգործական գործունեությամբ,

- բազմաթիվ  ,կուսակցություններե չեն համապատասխանում  ՀՀ օրենսդրության  պահանջներին  և  փորձում  են անգամ  մասնակցել ընտրություններին  և  այլն:

     Ափսոս, որ  ԵԱՀԿ ԺՀՄԻԳ   դիտորդները  տեղյակ  չեն  նաև, որ  արդարադատության նախարարն  այնքան  էլ նախարար  չէ, քանի  որ  նախարար է դարձել  սահմանադրական կարգի  կոպիտ  խախտումներով...   

Գուցե  դա  ավելի  բարձրացներ  վստահությունը  նրա  հանճարեղ մտքերի հանդեպ:

 Հայաստանի Պառլամենտարիզմի Կենտրոն/ՀՊԱԿ/ լրատվություն

Հ.Գ.- http://www.moj.am/hy/news/item/2012/03/26/odhir/

ՀՀ արդարադատության նախարար Հրայր Թովմասյանն այսօր ընդունեց ԵԱՀԿ ԺՀՄԻԳ դիտորդական առաքելության ղեկավար Ռադմիլա Շեկերինսկային և պատվիրակության անդամներ Մառլա Մորրին ու Քսենյա Դաշուտինային:

Հյուրերին մասնավորապես հետաքրքրում էր ՀՀ արդարադատության նախարարության դերը ընտրական գործընթացներում, ինչպես նաև ընտրությունների ընթացակարգին և օրենսդրությանը վերաբերող այլ հարցեր:
Զրույցի ընթացքում նախարար Թովմասյանը նախ պարզաբանեց, որ իր ղեկավարած գերատեսչությունն անմիջական առնչություն չունի ընտրական գործընթացների հետ: