Եվրանեստի խորհրդարանական վեհաժողովի 2–րդ լիագումար նիստին, որը տեղի կունենա ապրիլի 2–4–ին Բաքվում, Հայաստանի պատվիրակությունը կմասնակցի ամբողջական կազմով։ Այս մասին այսօր հայտարարել է ՀՀ ԱԺ պատգամավոր Արտակ Զաքարյանը, ով Եվրանեստում սոցիալական, կրթության հանձնաժողովի համանախագահն է։ Արտակ Զաքարյանը Բաքվում հանդես է գալու Արևելյան գործընկերության երկրներում քաղաքացիական հասարակությունների զարգացման մասին զեկույցով։

Զաքարյանի խոսքերով՝ պատվիրակության ցանկը կամբողջանա վաղը։

Եվրանեստում հայկական պատվիրակությունը կազմված է 10 հոգուց՝ պատվիրակության ղեկավար՝ ՀՅԴ պատգամավոր Վահան Հովհաննիսյան, ԲՀԿ պատգամավորներ Նաիրա Զոհրաբյան, Վարդան Բոստանջյան, Վահե Էնֆիաջյան, ՀՀԿ պատգամավորներ Հովհաննես Սահակյան, Մանվել Բադեյանը, «Ժառանգություն» կուսակցությունից կմասնակցի Լարիսա Ալավերդյանը և այլք։