Բնապահպանության նախարարության  շրջակա միջավայրի պահպանման վարչության պետ Արա Գաբրիելյանը լրագրողների հետ հանդիպման ժամանակ ասել է, որ մայիսի 14-ին «Նաիրիտ» գործարանում տեղի ունեցած պայթյունը բնակչության վրա ազդեցություն չի ունեցել.

-Տեխնոլոգիան այնպիսին է, որ պայթյունի ընթացքում այրվում  են միայն ածխաջրածիններ, որոնց մեջ այլ խառնուրդներ չկան։ Ածխաջրածինների այրման հետևանքով առաջանում է հիմնականում ածխաթթու գազ և ջուր, որոնք անվնաս են։ Մեր նախարարության մոնիտորինգի կենտրոնը նոր տեղադրված ավտոմատ կայանի շնորհիվ անընդհատ չափումներ է իրականացնում։ Մթնոլորտում այդ ժամերին հայտնաբերվել է ընդհանուր ֆոնային աղտոտվածությունից բարձր շմոլ գազի և ազոտի օքսիդների առկայություն, ինչը, սակայն, շատ հեռու է թույլատրելի սահմանային կոնցենտրացիան գերազանցելուց։

Միաժամանակ, Արա Գաբրիելյանի հավաստմամբ՝ գործարանի շրջակայքից վերցվել է օդի նմուշ, որում ևս քլորի օրգանական միացություններ չեն հայտնաբերվել։