«Եթե այստեղ անգրագետ մարդ կա, այդ Դո՛ւք եք»,–այսօրվա ասուլիսին դիմելով Գրականության ինստիտուտի տնօրեն Վարդան Դևրիկյանին՝ ասել է Մաշտոցի այգում բողոքի գործողության ժամանակ հացադուլ հայտարարած Բայանդուր Պողոսյանը։ «Ես խորապես խղճում եմ քեզ, դու ուղղակի ազնիվ մոլորյալ ես»,-նրան արձագանքել է Վարդան Դևրիկյանը։

Իսկ բանավեճը ծավալվել էր Պողոսյանի այն հայտարարության շուրջ, թե իբր ինքը սատանայապաշտ է։

«Ես չեմ ասել, թե սատանայապաշտ եմ։ Ասել եմ, որ սատանիստ եմ, ու դա եղել է վաղուց։ Այգում ես նման բան չեմ ասել։ Ես պաշտամունքի ոչ մի մոդել չունեմ ոչ մի Աստծո նկատմամբ. ես երբեք ոչ մի Աստծո առաջ չեմ խոնահրվում»,–նշել է բնապահպանը։

Վարդան Դևրիկյանը, սակայն, հակադարձել է, թե Բայանդուր Պողոսյանի ասածը ոչ այնքան վտանգավոր է, որքան վտանգավոր են նրա գաղափարախոսությունն ու ազդեցությունը։