Լրագրողների հետ հանդիպման ժամանակ ԱԺ ՀՀԿ խմբակցության պատգամավոր Արտակ Դավթյանը հայտարարել է, թե կոալիցիան ամուսնական հավատարմության երդում չէ, որ հավերժ տևի:

–Կոալիցիոն կուսակցությունները միաժամանակ նաև մրցակիցներ են, սակայն պետք է ապահովեն քաղաքակիրթ մրցակցություն: Վերջինիս բացակայության պարագայում չի լինի նաև քաղաքական գործընթաց։ Քաղաքական կյանքն ավելի բազմազան է, քան կոալիցիոն հուշագիրը,-ասաց պատգամավորը:

Արտակ Դավթյանի խոսքերով՝ առաջիկայում ևս ականատեսն ենք լինելու իրավիճակների, երբ կոալիցիոն գործընկերների տեսակետները չեն համընկնի:

Անդրադառնալով ՀԱԿ–ի խորհրդարան անցնել–չանցնելու հարցին՝ նա նշել է, թե այդքան վստահ չէ, որ նրանք կհայտնվեն խորհրդարանում, քանի որ ՀԱԿ-ի վարկանիշն աստիճանաբար անկում է ապրում։

Նա նաև նշել է, թե նախկին ԱԳ նախարար Վարդան Օսկանյանի անդամակցությունը ԲՀԿ-ին պետք չէ պայմանավորել նախկին նախագահ Ռոբերտ Քոչարյանի՝ մեծ քաղաքականություն վերադառնալու հնարավորությամբ: