Արմեն Հովհաննիսյան

● Հարցազրույց

03.02.2012 ● 17:57

Արմեն Հովհաննիսյան

Հարցազրույց «Մենք դեմ ենք օտարալեզու դպրոցների վերաբացմանը» քաղաքացիական նախաձեռնության անդամ Արմեն Հովհաննիսյանի հետ

–Ասում են՝ ՀՀ վարչապետ Տիգրան Սարգսյանը նախարարներին հրահանգել է առանձնացնել իրենց ոլորտի ձեռքբերումները, որպեսզի դրանք օգտագործվեն նախընտրական քարոզչության ժամանակ։ Ըստ Ձեզ՝ Կրթության և գիտության նախարարությունն ինչպիսի՞ ձեռքբերում պիտի առանձնացնի։

–Կարծում եմ՝ ԿԳՆ-ն և իր ղեկավարը բազմաթիվ կամավոր, կիսակամավոր և չարքաշ գուսանների ու փառաբանողների մեծ բանակ ունի, և ես չէ, որ պիտի ձեռքբերումների մասին խոսեմ: Ինձ համար այդ ոլորտը վտանգի գոտում է այնքան ժամանակ, քանի դեռ այն ղեկավարում է մի հակաժողովրդավարական քաղաքական ուժ ներկայացնող հայատյաց և օտարապաշտ անձնավորություն:

–Երկրում ստեղծված այսօրվա իրավիճակն ինչպե՞ս եք գնահատում և ի՞նչ ակնկալիքներ ունեք առաջիկա ընտրություններից։

–Իրավիճակը հարաճուն ճգնաժամային է: Ընտրությունների միակ արժեքը, որ տեսնում եմ, վարչախմբի պաշարների (ամենալայն իմաստով) առավելագույն «մաշեցումն» է, ինչը հետագա ազատագրական շարժման հնարավորություններն է՛լ ավելի կընդլայնի:

–«Մենք դեմ ենք օտարալեզու դպրոցների վերաբացմանը» քաղաքացիական նախաձեռնությունն այսօր կարծես պասիվ է. ո՞րն է դրա պատճառը։

–Պատրաստվում ենք համաժողովի: Շուտով կլսեք մեր մասին:

–Նախատեսվո՞ւմ է շարժումը հզորացնել կամ մեկ այլ ձևաչափի վերածել։

–Այո՛, պատրաստվում ենք վերածվել «մայրենադարձական» բնույթի լայն քաղաքացիական շարժման: Կարծում եմ՝ շաբաթների հարց է:

–«Մայրենադարձակա՞ն»։ Մի փոքր կմանրամասնե՞ք։

–Այսինքն, մենք գտնում ենք, որ զուտ ֆիզիկական գոյությունը հայրենիքում բավարար չէ: Պետք է հոգևոր և արժեքային «վերադարձ» հայկականության, ազատ հայրենիք ունենալու գաղափարին: Մեր ընկերներից մեկը՝ Սամվելը Կարաբեկյանը, գտավ այդ «մայրենադարձություն» եզրն ի տարբերություն զուտ տարածքային «հայրենադարձության»:

Հարցազրույցը վարեց Արեգնազ Մանուկյանը

● Այս խորագրի վերջին նյութերը

Տրանսպորտային համակարգում ստվերը չի վերացել, թանկացումներն արդարացված չեն. Մանուկ Սուքիասյան (տեսանյութ)

21.12.2024 ● 08:41

«Մայր Հայաստան» խմբակցության ղեկավար Մանուկ Սուքիասյանը վստահեցնում է, որ շարունակելու են տրանսպորտային թանկացումների դեմ պայքարը։

«25-26 թթ․ հավանական են մեծ պատերազմները. շատ վտանգավոր է լինելու Հայաստանի համար». Ստեփան Դանիելյան (տեսանյութ)

21.12.2024 ● 08:18

«Երկրի հյուրասրահում» քաղաքագետ, «Մայր Հայաստան» շարժման նախաձեռնող խմբի անդամ Ստեփան Դանիելյանն է։

Մսավաճառների տավարի միսն ո՞ւր տարան․ Սոնա Աղեկյան (տեսանյութ)

19.12.2024 ● 14:20

Սոնա Աղեկյանն անդրադարձել է մի շարք խնդիրների։

Երևանն իրեն անբարենպաստ վիճակում է դնում՝ հրաժարվելով բանակցային գործընթացում Ռուսաստանի գործընկերությունից. Վիտալի Միլոնով (տեսանյութ)

19.12.2024 ● 10:00

Մենք գիտենք, թե ինչպես են սովորաբար տեղի ունենում միջազգային պայմանավորվածությունները, երբ դրանք ձեռք ես բերում թուրքերի հետ։ Այնտեղ դու երբեք շահած չես լինի։