Ազգային ինքնորոշում միավորման առաջնորդ Պարույր Հայրիկյանը լրագրողներին ասել է, որ ԱԻՄ–ը պատրաստվում է իր ողջ ներուժով մասնակցել առաջիկա խորհրդարանական ընտրություններին՝ բացառելով համագործակցությունն այն ուժերի հետ, ովքեր չեն ընդունի կատարյալ ժողովրդավարության իր մոդելը:

–Մեզ համար ցանկալի տարբերակը խորհրդարանում 51% ունենալն է, և դա հնարավոր է միայն դաշինքի ձևով,-ավելացրել է նա՝ ընդգծելով, որ, օրինակ, Արտաշես Գեղամյանի, Խոսրով Հարությունյանի օրինակով ինքն էլ Հանրապետականի ցուցակ կմտնի միայն ժողովրդավարության իր մոդելի ընդունման պարագայում.

–Իսկ դա ընդունելու դեպքում ոչ միայն ՀՀԿ-ն, այլ նույնիսկ իմ կողմից չսիրված ՀԱԿ-ը կարող է լինել դաշնակից։ Եվ մենք պատրաստ ենք ամեն բան դնել մի կողմ և նրանց հետ աշխատել։

Նա նաև նշել է, որ 100%–անոց համամասնական ընտրակարգը մեծամասնականից գերադասելի է:

–Սակայն կատարյալ ժողովրդավարության մոդելն ունենալով՝ ինչպե՞ս կարելի է խոսել համամասնական ընտրակարգի անցնելու մասին,–ասել է նա:

7or.am