- Ուսադիր կրելն ու հայրենիքին ծառայելը

իսկական տղամարդու գործ է:

Ս.Սարգսյան -27.01.11թ.

Հայաստանի  Բանակը  20 տարեկան  է: Շնորհավոր  և    փառք  ու  պարծանք  բոլոր նրանց, ովքեր  ուսադիրներով  են կերտել  այս  մեծ  տոնը՝ հիրավի  իսկական տղամարդիք:

Հավանաբար, սա  է  պատճառը նաև, որ  զարգացած  գրեթե  բոլոր երկրներում  պետական պաշտոնների  չեն  կարող  նշանակվել  զինծառայություն  չանցած  անձինք, ինչն, անկասկած, երկրի  անվտանգության  համար  կարևորագույն  խնդիր  է:

Այդպես  էր  նաև  մեր  երկրում, սակայն  Ս.Սարգսյանի  ստորագրած  օրենքով  այն  փոխվեց  և  այսօր, մասնավորապես, բարձրաստիճան  պաշտոններ  զբաղեցնող  անձանց  գերակշռող մասը  զինծառայություն  չի  անցել՝ Կառավարությունը՝  Վարչապետի  և  փոխվարչապետի, ԱԺ  ղեկավարությունը՝ խոսնակի, ՀՀ  Նախագահի  և  կառավարության  աշխատակազմերն՝ իրենց  ղեկավարների, Կենտրոնական բանկն՝ իր  նախագահի, Գլխավոր  դատախազությունը՝ գլխավոր  դատախազի  գլխավորությամբ, ՎԴ  և  ՍԴ  նախագահները  և  այլն:

Եվ այսօր  այս  «տղամարդիկ»  են  մեր  երեխաներին  բացատրում   զինծառայության անհրաժեշտության մասին, մոռանալով, որ  նույն  կերպ  պետք  է  վարվեն  իրենց  երեխաների  հետ: Այդ  իմաստով, բավական  է  միայն  հիշատակել  Վարչապետի  որդի  Երևանի  ՀՀԿական քաղաքապետին  կամ  ՀՀԿ  ականավոր  գործիչներ՝ ԱԺ  խոսնակի  և  ԱԺ ՀՀԿ  խմբակցության  ղեկավարի  զինծառայություն  չանցած  բալիկներին  /համապատասխանաբար՝ Վարչապետի  օգնական  և  ԱՆ  փոխնախարար/:

Այսինքն, ՀՀԿական  «տղամարդկությունը»  շարունակվում  է...

...Սա  ՀՀԿ-ի  այսօրվա  նվաճումներից մեկը:

Հայաստանի Պառլամենտարիզմի  Կենտրոն /ՀՊԱԿ/