ԱԺ փոխնախագահ, ՀՀԿ խորհրդարանական խմբակցության պատգամավոր Էդուարդ Շարմազանովը Հանրային խորհրդի դահլիճում տեղի ունեցած քննարկման ժամանակ նշել է, որ համազգային կառույցներ ստեղծելու գաղափարը շատ կարևոր է։

Նա նշել է, որ գլոբալիզացիայի պայմաններում պետք է ճիշտ օգտագործել հնարավորությունները։ Նրա կարծիքով ոչ թե պետք է պաշտպանվել այս ալիքից, այլ կարողանալ համահայկական խնդիրներին ավելի արագ, ավելի ինտենսիվ լուծումներ տալ։ Բանախոսը համոզված է, որ պետք չէ հետ մնալ համաշխարհային գործընթացներից, այլ պետք է առնվազն համընթաց քայլել աշխարհի հետ։

–Մենք ոչ թե 3մլն ենք, այլ 10, և բոլոր հայերը պարտավոր են օգնել իրենց հայրենիքին,–ասել է նա։

Շարմազանովը ողջունել է «Ազգային համագործակցություն» հիմնադրամի նախագահ, ԱԺԴ կուսակցության նախագահ Արշակ Սադոյանի՝ «Ազգային համագործակության ցանց» ստեղծելու ծրագիրը՝ նշելով, որ նախ պետք է փակ քննարկումներ կազմակերպել այս ուղղությամբ։

Նշենք, որ քննարկմանը հրավիրված է եղել նաև Հանրային խորհրդի նախագահ, ԱԺՄ նախագահ Վազգեն Մանուկյանը, ով, սակայն, վատառողջ էր և ներկա չի եղել քննարկմանը։

7or.am