«Մենք կսպսենք, կտեսնենք, թե ինչ է տեղի ունենալու առաջիկա ամիսներին, հետո նոր մեր պատասխան քայլերը կձեռնարկենք: Առաջացած կոնֆլիկտը չպետք է լայնամասշտաբ խնդրի վերաճի»,-ասել է Թուրքիայի վարչապետ Ռեջեբ Թայիփ Էրդողանը՝ անդրադառնալով Ֆրանսիայի Սենատում Հայոց ցեղասպանության ժխտումը քրեականացնող օրինագծի ընդունմանը։

Այնինչ, Թուրքիայի իշխող «Արդարություն և զարգացում» կուսակցությունը նիստ էր հրավիրել և քննարկել Ֆրանսիայի նկատմամբ իրականացվելիք պատժամիջոցները.

1. Ֆրանսիայի հետ դիվանագիտական հարաբերությունները իջեցնել նվազագույն մակարդակի
2. Հայտարարվող տենդերներում ֆրանսիական ընկերություններ չպետք է լինեն
3. Հետ կանչել Ֆրանսիայում Թուրքիայի ռազմական կցորդին ևչեղյալ հայտարարել Թուրքիայում Ֆրանսիայի կցորդի հավատարմագրումը
4. Թուրքիայի օդային տարածքը փակել ֆրանսիական ռազմական օդանավերի համար
5. Թուրքիայի նավահանգիստները փակել ֆրանսիական ռազմանավերի համար։