«Ազգ»  օրաթերթի գլխավոր խմբագիր Հակոբ Ավետիքյանն այսօրվա ասուկիսին նշել է, որ արդի հայ տեղեկատվական դաշտում շփոթ է տիրում.

–Շփոթ է տիրում այսօր. հստակ շատ քիչ բան կա։ Միշտ նման կացության մեջ լրատվամիջոցները բաց դռներ են թողնում։ Այսինքն, երբ քաղաքական ուժերն իրենց ծրագրերը հստակորեն չեն ներկայացնում կամ արտահայտում, դուռը բաց է մնում տարբեր մեկնաբանությունների, ասեկոսեների համար։

Բանախոսը նշել է, սակայն, որ առաջիկա ընտրությունների պարագայում տեղեկատվական դաշտում մեծ կշիռ կունենա միանգամայն նոր տեղեկատվական գործոնը՝ առաջին հերթին  սոցիալական կայքերը.

–Նորություն է լինելու։ Դա կլինեն սոցիալական ցանցերը, ինտերնետային ամբողջ դաշտը, որոնք կֆիքսեն ամեն մի մանրուք։

Ավետիքյանն ավելացրել է նաև, որ պետք է մեծանա հասարակության վերահսկողությունը հասարակական–քաղաքական գործընթացների հանդեպ։ Դրա ապացույցը, ըստ նրա, մեզ տվեց «արաբական գարունը»։

7or.am