Այսօր հունվարի 23-ին Ֆրանսիայի Հանրապետության Սենատում քննարկման էր դրվել արդեն իսկ Ազգային Ժողովի կողմից դեկտեմբերի 22-ին ընդունված բոլոր ցեղասպանությունների ժխտումը քրեականացնող օրինագիծը:

Ի զորակցություն օրինագծի ընդունման,  մեր կարծիքը ու տեսակետը հայտնելու համար՝  ՀՅԴ Հայաստանի Երիտասարդկան Միությունը և Նիկոլ Աղբալյան Ուսանողական Միությունը,  վաղը՝ հունվարի 24-ին ժամը 13.30-ին, կազմակերպում են հավաք ՀՀ-ում Ֆրանսիայի դեսպանատան դիմաց: Մենք նույնպես միանում ենք Ֆրանսիայի Սենտաի դիմաց տեղի ունեցած քաղաքացիական հավաքի մասնակիցներին:

Որպես հայ երիտասարդներ՝ կարևորում ենք Հայ Դատի շարունակական պայքարը և Ֆրանսիայի հասարակության կողմից ժխտողականության մերժումն ու պատմական արդարությունը վերականգնելու ձգտումը:

Մենք շնորհակալ ենք արդարության ջատագով ֆրանսիացիներին, որոնք դատապարտեցին ժխտողականությունը, որը երկրորդ անգամ է սպանում զոհերին, տարածում ատելություն եւ ֆանատիզմ:

Ո'չ ժխտողականությանը, ռասիզմին եւ այլատյացությանը:  Ո'չ  թուրքական առաջնորդների կողմից հանցագործութունների  խրախուսմանն ու սպառնալիքներին: Այո' արդարդատ օրինագծին, որը պաշտպանում է մարդկային արժանպատվութունը:

ՀՅԴ Հայաստանի Երիտասարդական Միություն