Երևանի կինոյի և թատրոնի պետական ինստիտուտի  ռեկտոր, «Գոյակ» ընկերության  ղեկավար Արմեն Մազմանյանը «7օր»–ի հետ  զրույցում նշել  է, թե ինքը երբեք չի թաքցրել իր հակվածությունը, ու իր համար նախընտրելի քաղաքական ուժերն են ՀՅԴ–ն և ՀՀԿ–ն։

–Իրար հակասական կուսակցություններ են, բայց ես ո՛չ  դաշնակցական եմ, ո՛չ էլ  հանրապետական, ու ինձ համար  այդ հակասականությունը կարևոր  չէ։ Իրենք ինձ ավելի են համոզում, որովհետև նրանց հենքում դրված է ազգայինը։ Ես դա անվանում եմ ազգային պահպանողական լիբերալիզմ և կարծում եմ, որ միայն այդ գաղափարախոսությունը պետք է իշխի, և ավելի ազատություն պետք չէ մեր ազգին տալ, որովհետև հակառակ պարագայում բիսեքսուալիզմ ու հոմոսեքսուալիզմ  է դուրս գալիս,–ասել է նա։

Հարցին, թե մի քանի  ամիս հետո տեղի ունենալիք ԱԺ ընտրութուննեին  ՀՅԴ–ն և ՀՀԿ–ն առանձին են մասնակցելու, այս պարագայում ինքն ո՞ւմ է պաշտպանելու, Արմեն Մազմանյանը պատասխանել է, թե Սերժ Սարգսյանին։

–Ես ՀՀԿ–ին եմ ձայնս տալու, և ոչ թե նրա համար, որ իրենք իշխող են, և ես նրանցից բան եմ ակնկալում, այլ այն պարզ պատճառով, որ ինձ քաղաքական անհատ Սերժ Սարգսյանը՝ որպես երկրի նախագահ,  բոլոր  եղած  ալտերնատիվաներից 10 անգամ ավելի շատ է  համոզում։ Կուզեի՝ դաշտում լիներ մի 5 ավելի դինամիկ ու պրոգրեսիվ մարդ, որ ես էլ ունենայի ընտրություն,–ասել  է նա։

7or.am