Փոքր Իմիշ ավանում հայտնաբերվել է 10–րդ դասարանցի 16–ամյա աղջկա դի։ Սպանության մեջ կասկածվում է նրա համադասարանցին։

Ինչպես տեղեկացնում է ռուսական ԶԼՄ–ն, 2011թ. դեկտեմբերի 29–ին աշակերտուհի Ալենա Գոնչարովան գնացել է դիսկոտեկ և չի վերադարձել, իսկ  ծնողները դիմել են ոստիկանություն հաջորդ օրը։ Հունվարի 4–ին նրա մարմինը գտնվել է բակային շինությունների կիսալքված մի տան բակում։

Սպանության կասկածանքով ձերբակալվել է նրա 16–ամյա նախկին համադասարանցին։ Տղան արդեն խոստովանական ցուցմունք է տվել։

Հետաքննության վարկածով՝ դիսկոտեկից հետո աղջիկը համարյա թե հասել է իր տան մոտ, երբ նրան է մոտեցել համադասարանցին ու խաբելով, թե  անակնկալ ունի, տարել հարևանությամբ գտնվող տունը, ուր  հավաքված  են եղել ալկոհոլի ազդեցության տակ գտնվող բնակիչները։

Խեղդելով աղջկան՝ ադրբեջանցի պատանին նրա մարմինը թաքցրել է ամառային խոհանոցում։ Տղայի խոսքերով՝ սպանության հիմնական պատճառը եղել է անպատասխան սերը։

Եիտասարդ տղայի նկատմամբ ՌԴ ՔՕ 105–րդ կետի 1–ին մասով քրեական գործ է հարուցվել։ Նրա նկատմամբ խափանման միջոց է կիրառվել կալանքը։ Հետաքննությունը շարունակվում է։

Կրասնոյարսկի շրջանի պատգամավորն անձամբ է որոշել հետևել դպրոցականի սպանության գործին։

Բանն այն է, որ այս դեպքը մեծ  աղմուկ է բարձրացրել, քանի որ  ավանի բնակիչներն այս ամենից հետո ոտքի են կանգնել ու պահանջել մի քանի ադրբեջանցի ընտանիքների վտարումը բնակավայրից։