ՀՀ ազգային վիճակագրական ծառայության գների վիճակագրության և միջազգային համադրումների բաժնի պետ Գուրգեն Մարտիրոսյանը, լրագրողների հետ  հանդիպման ժամանակ ներկայացնելով անցած տարվա գնագոյացման և գնաճի ցուցանիշները, նշել է, որ 2011թ. գնաճը կազմել է 7,7%։ Տարվա ընթացքում ծառայությունները թանկացել են 3,6%-ով, պարենը՝ 12,3%-ով, ոչ պարենային ապրանքները` 3,4%-ով:

2010թ. դեկտեմբերի համեմատ սպառողական գնաճը կազմել է 4,7%, պարենը` 2,9%, իսկ ոչ պարենային ապրանքները` 4,3%: Նրա խոսքերով՝ ամենաբարձր գնաճն արձանագրվել է շաքարի դեպքում՝ 35,4%: 2011թ. դեկտեմբերին նոյեմբերի համեմատությամբ գնաճը կազմել է 2,5%:

Ըստ Գուրգեն Մարտիրոսյանի՝ 2011թ. 11 ամսում ԱՊՀ երկրներից ամենացածր գնաճը Վրաստանում է գրանցվել՝ 1,4%, իսկ ամենաբարձրը Բելառուսում է եղել՝ 2 անգամ, Ռուսաստանում գրանցվել է 5,6% գնաճ, իսկ ԵՄ երկրների միջին ցուցանիշը 3,9% է: