Ամերիկյան ABC News հեռուստաալիքի կայքէջը 2012թ. այցելության համար 7 ինքնատիպ վայրերի  ցանկից հանել է Լեռնային Ղարաբաղի անունը։

Ինչպես ավելի վաղ տեղեկացրել էինք «ABC News» հեռուստաալիքը Լեռնային Ղարաբաղը ներառել է 2012թ. այցելության համար 7 ինքնատիպ վայրերի շարքում։

–Բոլոր նրանց համար, ովքեր արկածներ են փնտրում, Հայաստանի և Ադրբեջանի միջև գտնվող Լեռնային Ղարաբաղը հենց այդ վայրն է։ Արշավանքների գնացեք ձնածածկ լեռների ու կարմիր և դեղին ծաղիկներով ծածկված դաշտերի միջով։ Վայելեք խորոված միսն ու բանջարեղենը։ Եվ եթե դուք հյուրընկալեք տեղի բնակիչների տանը, մի զարմացեք, եթե նախաճաշին ձեզ թթի օղի առաջարկեն,–ասված է հոդվածում։ Դրա հրապարակումից անմիջապես հետո Ադրբեջանի ԱԳՆ–ն ԱՄՆ–ում գտնվող իր դիվանագիտական ներկայացուցչությանը հրահանգել էր ճիշտել այս տեղեկությունը, և դրա հաստատման դեպքում անհրաժեշտ միջոցառումներ ձեռնարկել։

Asbarez–ը տեղեկացնում է, որ  ABC News–ը ցանկից հանելով Լեռնային Ղարաբաղի անունը՝ այն վերանվանել է «2012թ. այցելության համար 6 ինքնատիպ վայրեր»։ Ըստ պարբերականի՝ այս քայլը ադրբեջանական կողմի ճնշման հետևանք էր։