-Ֆրանսիան ցանկանում է խստացնել պատժամիջոցները, և նախագահ Նիկոլա Սարկոզին արդեն հայտարարել է երկու հստակ առաջարկների մասին` սառեցնել Իրանի Կենտրոնական բանկի եվրոպական ակտիվները և արգելք մտցնել իրանական նավթի արտահանման հարցում,- նման հայտարարությամբ է այսօր հանդես եկել Ֆրանսիայի արտաքին գործերի նախարար Ալեն Ժյուպեն:

Ըստ Ժյուպեի` ԱՄՆ-ն մոտ ժամանակներս կհաստատի պատժամիջոցների փաթեթը:

-Մենք ցանկանում ենք, որպեսզի եվրոպական երկրներն էլ նման քայլի դիմեն: Այսպիսով, մենք կցուցադրենք մեր վճռականությունը` թույլ չտալ Իրանին ունենալ միջուկային զենք,- ասել է Ժյուպեն:

Տեղեկացնենք, որ Իրանը Օրմուզի նեղուցում անցկացված զորավարժությունների ժամանակ փորձարկել է երկու բալիստիկ հրթիռ, որոնք կարող են հարված հասցնել և Իսրայելին, և Մերձավոր Արևելքում գտնվող ամերիկյան բազաներին: Իրանի քաղաքական գործիչները հայտարարել են, որ եթե Արևմուտքը պատժամիջոցներ կիրառի Իրանի նկատմամբ, ապա Իրանը կփակի Հորմուզի նեղուցը, որը կարևոր զարկերակ է նավթամատակարարումների համար: