Եվրամիությունը քննադատում է Վրաստանի իշխանությանը, բայց գովում է Հայաստանի իշխանությանը: Պատճառն այն է, որ Իվանիշվիլին չի համաձայնում Վրաստանը դարձնել մանրադրամ՝ ընդդեմ Ռուսաստանի: Եվրոպական միության չինովնիկներին դա դուր չի գալիս, ու նրանք փողոց են հանել վրացական ընդդիմությանը: Այս մասին հայտարարել է «Մայր Հայաստան» կուսակցության վարչության անդամ Արեգնազ Մանուկյանը։

«Ուշագրավ է, որ Եվրոպական միության չինովնիկներին դուր է գալիս Նիկոլ Փաշինյանը, քանի որ նա մեր երկրի պաշտպանության համար տված զոհերը համարում է հանուն ոչնչի, իսկ այլոց շահերի համար Հայաստանն ու Արցախը զոհաբերելը համարում է մեր ինքնիշխանության պաշտպանություն: Դա, իհարկե, դեմագոգիա է: Նաև՝ դավաճանություն:

Եզրակացություն. Եվրոպական միության չինովնիկներին դուր են գալիս այն պետությունները, որոնց ղեկավարները դավաճան են, զոհաբերում են իրենց երկրներն ու ժողովուրդներին՝ հանուն հակառուսական պայքարի: Նման գործիչներ են Սահակաշվիլին, Զելենսկին, Փաշինյանը, Սանդուն: Նրանք պատրաստ են աչք փակել սրանց հակաժողովրդավարական քայլերի, թալանի վրա: Միայն թե իրենց շահն առաջ տանեն:

Իվանիշվիլին համաձայն չէ այս մոտեցման հետ: Նիկոլը համաձայն է: Հենց դա էլ նրանց տարբերությունն է»,-ասել է Արեգնազ Մանուկյանը։