Դեկտեմբերի 23-ին`ժամը 17.55-ին ահազանգ է ստացվել, որ հրդեհ է բռնկվել Արարատի մար­զի Ոսկետափ գյուղի մոտակայքում գտնվող գազաբաշխիչ կայանում:

Դեպքի վայր է մեկնել  մեկ մարտական հաշվարկ:

Պարզվել է, որ տեղի է ունեցել ավտոպատահար. բախվել են «ԳԱԶ-2410» մակնիշի 17 ՍԼ 922 պետհամարանիշի և «ԲՄՎ» մակնիշի 05 ՕՍ 045 պետհամարանիշի ավտոմեքենաները: Այնուհետև «ԳԱԶ-2410» մակնիշի ավտոմեքենան, շա­րու­նակելով ընթաց­քը, բախվել է ճանապարհի հարակից գազի ճնշման կարգավորման կայանին, որի հե­տևան­քով տեղի է ունեցել գազի արտահոսք և բռնկում:

Հրդեհը մեկուսացվել է ժամը 18.12-ին, մարվել՝ 19.08-ին:

Ավտոպատահարի հետևանքով «ԳԱԶ-2410» մակնիշի ավտոմեքենայի վարորդ,1978 թվականիյն ծնված Դ.Դավթյանը մարմնա­կան վնասվածքներով տեղափոխվել է Վեդի քաղաքի հիվանդանոց, որտեղ ստանալով անհրաժեշտ բուժ­օգ­նություն՝ դուրս է գրվել:

…

Դեկտեմբերի 24-ին`ժամը 09.53-ին տեղեկատվություն է ստացվել, որ Արագածոտնի մարզում`  Ապարան-Սպիտակ ավտոճանա­պար­հի 1-ին կմ-ում տեղի է ունեցել ավտոպատահար. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռևս չպարզված հանգամանքներում բախվել են «Ֆորդ» մակնիշի LXL 97 պետհամարանիշի  և  «ԳԱԶ-66» մակնիշի 389 ՍՏ 15 պետհամարանիշի բեռնատար (պատկանում է «Ապարանի պանրի գործարան» ՓԲԸ-ին, վարորդ` Ա.Ավագյան) ավտոմեքենաները, ինչի հետևանքով «Ֆորդ» մակնիշի ավտոմեքենայի ուղևոր, Վրաստանի Հանրապետության քաղաքացի, 1976 թվականին ծնված Կախա Կոցելավան տեղի ուժերով տեղափոխվել է Ապարան քաղաքի հիվանդանոց:

Հրշեջ-փրկարարները «Ֆորդ» մակնիշի ավտոմեքենայից դուրս են բերել վարորդ, Վրաստանի Հանրապետության քաղաքացի,1970 թվականին ծնված Շալվա Գուռալիի դին և հանձնել շտապօգնության բրիգադին:

Տուժածի վիճակը գնահատվում է միջին ծանրության:

…

Դեկտեմբերի 24-ին`ժամը 17.35-ին ահազանգ է ստացվել, որ Գեղարքունիքի մարզում`Գավառ-Սևան ավտոճանապարհի 4-րդ կմ-ում տեղի է ունեցել ավտոպատահար. անհրաժեշտ է փրկարարների օգնությունը:

Դեպքի վայր է մեկնել  մարզային փրկարարական վարչության փրկարական ջոկատը:

Դեռևս չպարզված հանգամանքներում բախվել են «ԳԱԶել» մակնիշի 05 ԼՏ 341 պետհամարանիշի  բեռնատար (վարորդ`1979 թվականին ծնված Գարիկ Ղազարյան), «ՎԱԶ-2121» մակնիշի 72 ԼՕ 777 պետհամարանիշի  և  «ՎԱԶ-21010» մակնիշի 18 ՕՍ 294 պետհամարանիշի  ավտոմեքենաները:

Ավտոպատահարի հետևանքով «ՎԱԶ 21010» մակնիշի ավտոմեքենայի ուղևոր, Մարտունու բնակիչ,1974 թվականին ծնված Սոնա Չաթոյանը տեղում մահացել է, իսկ  վարորդ, Մարտունու բնակիչ,1971 թվականին ծնված Հայկ Հովհաննիսյանը և ուղևոր, Մարտունու բնակիչ,1994 թվականին ծնված Գոռ Հովհաննիսյանը, «ՎԱԶ-2121» մակնիշի վարորդ, Երևան քաղաքի բնակիչ,1971 թվականին ծնված Սարգիս Ղազարյանը, ուղևորներ, Երևան քաղաքի բնակիչներ,1975 թվականին ծնված Լևոն Փափազյանը և 1972 թվականին ծնված Վարդան Հորդակյանը  տեղի ուժերով դուրս են բերվել և տեղափոխվել Գավառ քաղաքի հիվանդանոց:

Տուժածների վիճակը գնահատվել է ծանր և միջին ծանրության:

Հայկ և Գոռ Հովհաննիսյաններին տեղափոխել են Երևան քաղաքի «Էրեբունի» բժշկական կենտրոն: Տուժածները գտնվում են կենտրոնի վերակենդանացման բաժանմունքում ծայրահեղ ծանր վիճակում: