«Մայր Հայաստանի» որոշելիքն է․ ինչ որոշում էլ կայացնեն, առանց որևէ հարցի պատրաստ եմ ենթարկվել

● Լրահոս

31.08.2025 ● 19:47

«Մայր Հայաստանի» որոշելիքն է․ ինչ որոշում էլ կայացնեն, առանց որևէ հարցի պատրաստ եմ ենթարկվել

Հարգելի՛ քաղաքացիներ,

2018-ից սկսած ես իմ համախոհների հետ պայքարում եմ Նիկոլ Փաշինյանի իշխանության դեմ: Այդ իշխանությանը համարում եմ հակապետական ու հակահայկական: Իմ պայքարը 2023-ից շարունակում եմ «Մայր Հայաստան» դաշինքի և Երևանի ավագանու համանուն խմբակցության կազմում:

Ցավով պետք է տեղեկացնեմ, որ հարազատ եղբայրս աշխատում է Փաշինյան Նիկոլի գլխավորած թիմում: Նրա այդ գործունեությանը բացասաբար եմ վերաբերվում և չեմ կիսում նրա մոտեցումները, ինչը ցավալիորեն հանգեցրել է ներընտանեկան խնդիրների, ինչի մանրամասների մասին, հասկանալի պատճառներով, չեմ ուզում խոսել (դա իմ անձնական ցավն է):

Բոլորս էլ հասուն մարդիկ ենք և ամեն մեկս իր գործունեության համար ինքն է պատասխան տալիս: Ես իմ պատկերացումներն ունեմ ու դրանք երբեք չեմ թաքցրել: Մնացած առումներով՝ թող Աստված դատի ու մեր հանրությունը գնահատի:

Ու որպեսզի այս պատմությունն ավելորդ բամբասանքների ու «մուտիլովկաների» տեղիք չտա, հատուկ ուզում եմ նշել, որ եթե այս տեղեկությունը կարող է բացասաբար անդրադառնալ մեր ընդդիմադիր պայքարի, «Մայր Հայաստան»-ի, մեր կառույցի ղեկավարի ու իմ պայքարի ընկերների վրա, ապա պատրաստ եմ վայր դնել Երևանի ավագանու մանդատը և որպես շարքային քաղաքացի շարունակել ընդդիմադիր գործունեությունս: Մնացածը «Մայր Հայաստանի» որոշելիքն է: Ինչ որոշում էլ կայացնեն, առանց որևէ հարցի պատրաստ եմ ենթարկվել:

Երևանի ավագանու «Մայր Հայաստան» խմբակցության անդամ Արմենակ Դանիելյանի ֆեյսբուքյան էջից

● Այս խորագրի վերջին նյութերը

Երևանում ոչ սթափ, առանց վարորդական վկայանի 28-ամյա տղամարդը «Nissan»-ով բախվել է կայանված «Ford Transit»-ին, վերջինն էլ բախվել է «BYD»-ին, որն էլ բախվել է «BMW»-ին

05.12.2025 ● 15:16

Վթարի հետևանքով տուժածներ չկան:

Քաղաքացին ցանկացել է նետվել Երևանի Հաղթանակ կամրջից

05.12.2025 ● 15:12

Փրկարարները կանխել են քաղաքացու ինքնասպանության փորձը։

Այս խայտառակ քայլերն ուղղված են ոչ թե Կաթողիկոսի, այլ Եկեղեցու դեմ․ Սոնա Աղեկյան (տեսանյութ)

05.12.2025 ● 14:45

Այս խայտառակ քայլերը, որ իրականացնում է իշխանությունը, ուղղված է ոչ թե Կաթողիկոսի, այլ եկեղեցու դեմ։

Մայր Աթոռը խստորեն դատապարտում է Արշակ արքեպիսկոպոս Խաչատրյանի կալանավորումը

05.12.2025 ● 14:42

Սույն գործողությունն արտահայտությունն է Եկեղեցու նկատմամբ վերջին շրջանում սանձազերծված բռնաճնշումների և շարունակությունը հոգևորականների նկատմամբ քաղաքական հետապնդման գործընթացի: