Այսօր՝ օգոստոսի 9-ին, արտակարգ դեպք է տեղի ունեցել Երևանում։ Ժամը 03:40-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Նաիրի Զարյան 26/3 հասցեի մոտ ավտոմեքենա է այրվում։

Ինչպես դեպքի վայրից հայտնում է shamshyan.com-ը, մինչ կժամանեին Երևանի հրշեջ-փրկարարական ջոկատից 1 մարտական հաշվարկ, «Mini Cooper» մակնիշի ավտոմեքենայում առաջացած կրակի դեմ պայքարել են դեպքի վայրի հարևանությամբ գործող ավտոլվացման կետի աշխատակիցները և այդ պահին նշված վայրով անոնցող Երևանի քաղաքապետարանի ջրցան ավտոմեքենան։ Ապա հրշեջները մարել են ավտոմեքենայում առաջացած կրակը, սակայն այն ամբողջությամբ վերածվել է մոխրակույտի, ջերմահարվել է նաև «Mini Cooper»-ի առջևի հատվածում կայանված «Mercedes» մակնիշի ավտոմեքենան։

Տարածքը սահմանազատել են նույն վաշտի ավագ պարեկները

Ահազանգով ժամանել են նաև Երևանի 103 շտապօգնության բժիշկների հերթապահ խումբը, ովքեր տեղում առաջին բուժօգնություն են ցուցաբերել վարորդ՝ Երևանի բնակիչ 73-ամյա Արարատ Ա.-ին, ում այնուհետև տեղափոխելն են Այրվածքաբանության ազգային կենտրոն։

Գ. Շամշյանի տեղեկություններով՝ նրա կյանքին վտանգ չի սպառնում։

Դեպքի մասին ոստիկանության Արաբկիրի բաժնից տեղեկությունը փոխանցել են ՀՀ քննչական կոմիտեի Երևան քաղաքի քննչական վարչության Արաբկիրի քննչական բաժին, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ։

Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզում են «Mercedes»-ի սեփականատիրոջ ինքնությունը։