ԱԺ ՀՅԴ խմբակցության պատգամավոր Լիլիթ Գալստյանն այսօր տեղի ունեցած քաղաքական քննարկման ժամանակ նշել է, թե 2012թ. ենք մտնում բացառիկ ծանր բեռով։ Նա խոսել է արտագաղթի օրեցօր ահագնացող ալիքից, Հայաստանի ժողովրդավարության մակարդակի նվազման վերաբերյալ տարբեր միջազգային կազմակերպությունների գնահատականներից, արտաքին պարտքի չափազանց մեծ չափից։

Անդրադառնալով գալիք տարվա ակնկալիքներին՝ ՀՅԴ ներկայացուցիչն ընդգծել է ազգային միասնության կարևորությունը։ Ըստ բանախոսի՝ մեր երկրի առաջին մարտահրավերը իսկապես ժողովրդավարական ըտրությունների անցկացումն է. «Ամեն անգամ հայտարարում ենք ազատ և արդար ընտրություններ անցկացնելու մասին, ընդդիմության հետ իշխանության երկխոսության  մասին, սակայն դա արաբականացած քաղաքական մշակույթ է՝ ընտրակաշառքներով, տնտեսական և քաղաքական շահերի համաձույլով»։

–Աղքատության եզրին կանգնած ժողովրդին երկու տարբերակ ես թողնում՝ կա՛մ արտագաղթել, կա՛մ 5000 դրամով կաշառել,–նկատել է Լ. Գալստյանը։

7or.am