«Միացյալ Երիտասարդական Լիգա» շարժման բաց նամակը ՀՀ ԿԳ նախարար Արմեն Աշոտյանին.

«Հարգելի պարոն Աշոտյա՛ն, «Միացյալ Երիտասարդական Լիգա» շարժումը հանրությանն էր ներկայացրել Անանիա Շիրակացի համալսարանում տեղի ունեցող մի ուշագրավ երևույթի մասին, ըստ որի ակադեմիական պարտքերը հանձնելու համար, հարկավոր է գումար վճարել, նրանց մասնակցելու թույլտվություն ստանալու համար:

Փորձեցինք պարզաբանում ստանալ այդ բուհի ռեկտոր պարոն Աֆյանից:

Նա մեզ տեղեկացրեց, որ դա կատարվում է օրենքի սահմաններում և այդ գումարները համարվում են սիմվոլիկ գումարներ, որպեսզի ուսանողները այլևս դասախոսներին կաշառք չառաջարկեն: Մեր շարժումը մտահոգված է այդ հարցով, քանի որ տվյալ դեպքում ուսանողները նաև դուրս են մնում բուհից, վճարելով «սիմվոլիկ» գումարներ:

Խնդրում ենք ձեզ նման օրենքների վերացման ուղղությամբ աշխատել, քանի որ դա չի նպաստում կոռուպցիայի վերացմանը, այլ նպաստում կոռուպցիայի օրինականացմանը»: