16.12.11թ.-ի  որոշմամբ,  «Գերագույն խորհուրդ» պատգամավորական ակումբի  Նախագահությունն     աշխարհահռչակ շանսոնյե և  հասարակական  գործիչ  Շառլ Ազնավուրին շնորհել է իր  Հուշամեդալը՝  Հայաստանում  ժողովրդավարության և մարդու իրավունքների  պաշտպանության գործում  նշանակալի  ծառայությունների համար:

Տեղեկացնենք, որ  այդ  Հուշամեդալը հիմնվել  է  2010թ.-ին  և  տարին մեկ անգամ շնորհվում  է    հայազգի  այն  հասարակական-քաղաքական գործչին /Հայաստանում՝ պատգամավորներին/, որը  նշանակալի  ծառայություններ  ունի  Հայաստանում  ժողովրդավարության և մարդու իրավունքների  պաշտպանության գործում:

Հիշեցնենք, որ թիվ 1 հուշամեդալը  2010թ.-ի  դեկտեմբերի  10-ին շնորհվել  է  Գերագույն  խորհրդի  պատգամավոր  Պարույր  Հայրիկյանին:

Հույս  ենք հայտնում, որ  մեր  ժողովրդի  լավագույն զավակներից մեկի՝ Շառլ Ազնավուրի  արդարացի և  ազգանվեր  գործունեությունը  Հայաստանում ժողովրդավարության  ձևավորման  գործում,    օրինակ  կծառայի  մեր շատ հայրենակիցներին՝  Հայաստանի    ներքին  մարտահրավերներին, մասնավորապես, ՀՀԿական  իշխանությունների ապօրինություններին դիմակայելու  հայաստանցիներիս  պայքարին  աջակցելու  ուղղությամբ:

«Գերագույն խորհուրդ» պ/ակումբի լրատվություն