Շահագրգիռ  մեր  նախաձեռնությունները  ցույց  են  տվել, որ  պետական ռեգիստրում  գրանցված  բազմաթիվ  «կուսակցություններ»  չեն  համապատասխանում  օրենքի պահանջներին, այն  է՝ առնվազն, չունեն օրենքով սահմանված  ստորաբաժանումներ, այսինքն՝ կուսակցություն  չեն, այն  էլ՝ վաղուց:

Սակայն, պարզվում է, որ  նրանցից  ոմանց,   դա  չի  խանգարում  ՀՀԿ-ի հետ «արդյունավետ»  համագործակցելու  և  առաջիկա ընտրություններում   նրան  սատարելու  գործին:

Ավելին, այդպիսիներից  մեկի ղեկավարը /Հ.Գ.1/, երեկ  այնքան  ոգևորվեց, որ  որոշեց  հեռավոր  2013թ.-ին  սատարել  նաև  պրոֆեսոր  Ս. Սարգսյանին /Հ.Գ.2/, հավանաբար, ինչպես ժամանակին՝ Տեր-Պետրոսյանին  և  Քոչարյանին:

Սակայն, խնդիրը  դա  չէ, այլ  այն, որ ՀՀԿ-ն  շարունակում է  օգտագործել  ապօրինի գրանցված  կուսակցություններին  հօգուտ  իր  կուսակցական շահերի...էլ  ինչ  «ազատ  ու  արդար»  ընտրություններ:

Հայաստանի Պառլամենտարիզմի Կենտրոն /ՀՊԱԿ/

Հ.Գ.1 – քանի որ  մարզերում  չենք  կարողացել  հայտնաբերել  ՔԴՄԿ-ի ստորաբաժանումներ, նրանց  մասին  տեղեկատվություն ստանալու  խնդրանքով  դիմել  ենք  և՛ ՔԴՄԿ  ղեկավարին  և՛ Պետական  լիազոր մարմնին, սակայն, ոչ մի արձագանք  չենք  ստացել:

Հ.Գ.2 - http://7or.am/archives/87029 Դեկտեմբեր 16, 2011 14:57

Քրիստոնեա-դեմոկրատական կուսակցության նախագահԽոսրով Հարությունյանը լրագրողներին ասել է, որ 2012թ. խորհրդարանական ընտրություններում ՔԴՄ–ն սատարելու է ՀՀԿ-ին, իսկ 2013թ. նախագահական ընտրություններում՝ Սերժ Սարգսյանին։