«Մայր Հայաստան» խմբակցությունը հերթական անգամ դատարանում հաղթեց Երևանի գործող իշխանություններին։

Հարցը վերաբերում է ավտոկայանատեղիների ապօրինի և թանկ սակագներին։ Դատարանը կրկին արձանագրել է՝ որոշումը հակասում է օրենքին և իրավաչափ չէ։ Սակայն Երևանի քաղաքապետարանը փոխանակ արժանապատվորեն ընդունելու սխալը և պարտությունը, հերթական անգամ փորձում է բողոքարկմամբ խուսափել պատասխանատվությունից և մտնել վարորդների գրպանը։

Իշխանությունը, երբ կորցնում է քաղաքական լեգիտիմությունը, ձգտում է կառչել իրավական գործընթացների տեխնիկական զենքից՝ միայն ժամանակ շահելու և իրական վերահսկողությունից խուսափելու համար։

Բայց իրական ուժը օրենքի ոչ թե ձևի, այլ բովանդակության կողմն է։

Եվ այս դատական հաղթանակը կարևոր նախադեպ է, որը ցույց է տալիս՝

Երբ պայքարում ես հանուն հանրային շահի, և լինում ես հետևողական, դրական արդյունքն անխուսափելի է։

Այդ հաղթանակը չի պատկանում մի քաղաքական ուժի, այլ ամբողջ հանրությանը։

Այս փուլում «Մայր Հայաստան» խմբակցությունն, առանց վարանելու, միակ ուժն է, որը հաստատակամորեն դիմում է դատարան ընդդեմ ՔՊ-ի կամայական որոշումների և դատական համակարգում փաստում՝ որ իրավունքը իրենց կողմն է, իսկ իշխանությունն՝ անհիմն։

Սա ոչ միայն իրավական, այլ նաև քաղաքական հաղթանակ է։

Հասարակությանը պետք է հիշեցնել՝ իշխանության ուժը չպետք է չափվի բարձրախոսներով ու քարոզչական ռեսուրսներով, այլ՝ իր որոշումների օրինականությամբ ու հանրային պատասխանատվությամբ։

Պայքարը հաղթանակ է բերում ոչ թե գրասենյակային ճառերով, այլ գետնի վրա հետևողական ու անվախ աշխատանքի միջոցով։

Եվ հենց այդ ճանապարհով է ձևավորվում իրական այլընտրանքը։ Ոչ թե խոսքերով, այլ արդյունքով։

Անի Կարապետյանի ֆեյսբուքյան էջից