17.11.2024 ● 10:26
17.11.2024 ● 10:07
17.11.2024 ● 09:31
16.11.2024 ● 23:08
16.11.2024 ● 18:56
16.11.2024 ● 12:57
16.11.2024 ● 12:53
16.11.2024 ● 12:46
16.11.2024 ● 12:46
16.11.2024 ● 11:31
16.11.2024 ● 09:37
16.11.2024 ● 09:07
16.11.2024 ● 09:00
16.11.2024 ● 08:45
16.11.2024 ● 08:17
16.11.2024 ● 07:21
Դեսպան Արմեն Եգանյանը հանդիպել է Կանադայի Արտաքին գործերի նախարարի հետ
Դեկտեմբերի 14-ին Կանադայում ՀՀ դեսպան Արմեն Եգանյանը հանդիպել է Կանադայի Արտաքին գործերի նախարար Ջոն Բեյրդին: Հանդիպման սկզբում Կանադայի արտգործնախարարը ՀՀ դեսպանին նվիրեց 1992թ. ստորագրված «Կանադայի եւ Հայաստանի Հանրապետության միջեւ դիվանագիտական հարաբերությունների հաստատման մասին համատեղ հայտարարության» կրկնօրինակը՝ վերահաստատելով կանադական կառավարության եւ ժողովրդի ջերմ վերաբերմունքը Հայաստանի նկատմամբ:
Կողմերը քննարկել են երկկողմ հարաբերությունների քաղաքական, առեւտրատնտեսական եւ մշակութային ոլորտները` երկուստեք համաձայնելով, որ երկրների միջեւ առեւտրաշրջանառությունը ընդլայնման լուրջ ներուժ ունի: Դեսպան Եգանյանը նաեւ ներկայացրեց Հայաստանի տարածաշրջանային քաղաքականության հիմնական ուղղությունները:
ՀՀ դեսպանը երախտագիտություն է հայտնել Կանադայի օրենսդիր եւ գործադիր իշխանություններին Հայոց Ցեղասպանության ճանաչման հարցում շարունակական սկզբունքային դիրքորոշման համար, ինչին ի պատասխան նախարար Բեյրդը նշել է, որ Ցեղասպանության դատապարտումը նաեւ վարչապետ Հարփերի սկզբունքային դիրքորոշումն է:
Հանդիպման ավարտին Հայաստանի դեսպան Արմեն Եգանյանը վերահաստատեց ՀՀ ԱԳ նախարար Էդվարդ Նալբանդյանի հրավերը Ջոն Բեյրդին մոտ ապագայում Հայաստան այցելելու համար: