Հաջորդ աճուրդը` դեկտեմբերի 26-ին

● Լրահոս

12.12.2011 ● 09:40

Հաջորդ աճուրդը` դեկտեմբերի 26-ին

2011 թ. դեկտեմբերի 26-ին, ժամը 10.00-ին, ճանապարհային ոստիկանության վարչական մասի դահլիճում կանցկացվի ֆիզիկական և իրավաբանական անձանց պատկանող տրանսպորտային միջոցներին հատկացվող՝ մեծ պահանջարկ ունեցող հաշվառման համարանիշերի աճուրդ:

Աճուրդին կարող են մասնակցել Ճանապարհային ոստիկանությունում իրենց անվամբ հաշվառված կամ սեփականության իրավունքով տրանսպորտային միջոցներ ունեցող ֆիզիկական և իրավաբանական անձինք կամ նրանց ներկայացուցիչները:

Հայտերն ընդունվում են 2011 թ. դեկտեմբերի 13-ից մինչև 2011 թ դեկտեմբերի 23-ի ժամը 13.00-ն, ամեն օր՝ ժամը 10.00-18.00, բացի շաբաթ և կիրակի օրերից (ՀՀ ոստիկանության Ճանապարհային ոստիկանության վարչական մասի շենք, 104 սենյակ):

Աճուրդին մասնակցելու համար անհրաժեշտ է ներկայացնել հետևյալ փաստաթղթերը՝

ա) անձը հաստատող փաստաթուղթ (իրավաբանական անձանց, ինչպես նաև ֆիզիկական անձանց փոխարեն այլ անձի մասնակցության դեպքում՝ նաև ներկայացուցիչ հանդիսանալու լիազորությունները հաստատող փաստաթուղթ), իրավաբանական անձանց համար նաև պետ.ռեգիստրի վկայականի և ՀՎՀՀ պատճենները,

բ) տրանսպորտային միջոցի հաշվառման վկայագիր (տեխ. անձնագիր) կամ սեփականության իրավունքը հաստատող փաստաթուղթ,

գ) նախավճարի վճարման անդորրագիր:

Նախավճարը պետք է վճարված լինի մինչև հայտը ներկայացնելը՝ 900013150033 հաշվեհամարին:

Մեկից ավելի լոտի (համարանիշի) ձեռք բերման համար դիմած անձը պետք է ունենա համապատասխան թվով տրանսպորտային միջոցներ, յուրաքանչյուր լոտի համար վճարի համապատասխան թվով նախավճարներ և ստանա նույն քանակով վկայական:

Աճուրդն անցկացվելու է բաց հրապարակային սակարկությունների միջոցով, դասական եղանակով՝ լոտի մեկնարկային գնի բարձրացմամբ: Աճուրդի լոտ է հանդիսանում տրանսպորտային միջոցը տվյալ համարանիշով հաշվառելու իրավունքը:

Աճուրդում հաղթող է ճանաչվում տվյալ լոտի համար առավելագույն գին առաջարկած մասնակիցը: Մի քանի մասնակիցների կողմից միաժամանակ հավասար չափով գնային հայտ ներկայացնելու դեպքում, հաղթողը որոշվում է վիճակահանությամբ:

Աճուրդում հաղթող մասնակիցը լոտի գնման գինը կազմակերպչի դեպոզիտ հաշվին փոխանցում կամ դրամարկղ է մուծում աճուրդի ավարտից հետո երեք բանկային օրվա ընթացքում՝ հաշվանցելով նախավճարը:

Աճուրդում հաղթող ճանաչված անձի կողմից սակարկությունների արդյունքների մասին արձանագրությունը ստորագրելուց հրաժարվելու կամ լոտի ձեռքբերման գումարը չմուծելու դեպքում՝ լոտի աճուրդը համարվում է չկայացած, նախավճարը չի վերադարձվում, և նրանից գանձվում է տուժանք` լոտի ձեռքբերման համար իր առաջարկած գնի 20 տոկոսի չափով, իսկ աճուրդի հաղթող է ճանաչվում բարձր գին առաջարկած նախորդ մասնակիցը, որի կողմից հաշվառման համարանիշի օգտագործման իրավունքը ձեռք բերելուց հրաժարվելու դեպքում նույնպես նախավճարը չի վերադարձվում, և նրանից գանձվում է տուժանք` լոտի ձեռքբերման համար իր առաջարկած գնի 20 տոկոսի չափով, լոտը հետագայում կրկին դրվում է աճուրդի: Տուժանքի գումարը կամավոր չվճարելու դեպքում այն ենթակա է բռնագանձման դատական կարգով:

Աճուրդը չկայանալու կամ աճուրդում չհաղթելու դեպքում, նախավճարը 5 բանկային օրվա ընթացքում վերադարձվում է մասնակցին:

ՀՀ ոստիկանության ճանապարհային ոստիկանություն

● Այս խորագրի վերջին նյութերը

Արցախի ժողովրդի վերադարձի իրավունքի հետապնդման խոչընդոտը եղել և շարունակում է մնալ ՀՀ կառավարությունը. Օսկանյան (տեսանյութ)

17.11.2024 ● 10:52

Նոյեմբերի 9-ի համաձայնագիրը կարող է դեռ ծառայել որպես կոնֆլիկտի լուծման հիմք և հնարավոր վերադարձի ուղի՝ ապահովելով կապ և անվտանգության համար:

ՀՖՖ-ն հրաժարվել է Լատվիա-Հայաստան խաղի հյուրերի համար նախատեսած սեկցիայից․ FAF

17.11.2024 ● 10:46

Խաղին մեկնող հայ երկրպագուները պետք է իրենց գլխի ճարը տեսնեն` լատվիացի երկրպագուների որևէ սեկցիայում տոմս ձեռք բերելով։

Դատապարտյալը դատարանից դուրս գալու ժամանակ դիմել է փախուստի, հնչել են կրակոցներ

17.11.2024 ● 10:40

Լոռիում կրակոցներ են հնչել։

Այսօր Ուսանողության միջազգային օրն է

17.11.2024 ● 10:26

Նոյեմբերի 17-ին զավթիչները շրջապատել են ուսանողական հանրակացարանները, շուրջ 1200 ուսանողի ձերբակալել և Զաքսենհաուզենի համակենտրոնացման ճամբար են ուղարկել:

Միացի՛ր, որ փոխենք. «Մայր Հայաստանը» շարունակում է ստորագրահավաքը

17.11.2024 ● 10:07

Կազմակերպված և իրական այլընտրանք ներկայացնող ուժը պարզապես կտապալի նիկոլական փտած ու հակապետական իշխանությանը:

Ավտովթար՝ Երևանում․ բախվել են «Mercedes»-ն ու «Nissan Altima»-ն

17.11.2024 ● 09:31

Վթարի հետևանքով տուժածներ չկան։

Ներքին Շենգավիթի փողոցներն այս տեսքն ունեն

Բիզնեսն` ընդդեմ սպորտի. ֆուտբոլի դաշտն ուզում են քանդել, բարձրահարկ շենք կառուցելու համար (տեսանյութ)

Եթե ՔՊ-ն փորձի անտեսել քաղաքացիների ստորոգրությունը, «Մայր Հայաստանը» կնախաձեռնի հանրաքվե․ Արշակ Սարգսյան (տեսանյութ)

● Լրահոս