Ճիշտ  այն ժամանակ, երբ  ԵԺԿ  նախագահ Վիլֆրիդ Մարթենսը  գովաբանում էր  ՀՀԿ  ժողովրդավարությունը  և  ԵԺԿացման կրծքանշան հանձնում  ՀՀԿ  ղեկավար Ս.Սարգսյանին, վերջինիս  կուսակից-պատգամավորները, ՀՀ Նախագահի ներկայացուցչի  աչքերի  առջև  կեղծում էին  պետական բյուջեի  ընդունումը:

ԵԺԿ  նմանօրինակ արժեքների  ներդրումը  մեր երկրում  համարում ենք անթույլատրելի, պահանջելով  ՀՀ  նախագահից անհապաղ միջոցներ  ձեռնարկել  կատարվածի  հետևանքների  վերացման  ուղղությամբ /կցվում  է/:

ՀՀ  Նախագահին

Պատճենները՝ ԵԽ, ԵՄ, ԵԱՀԿ հայաստանյան գրասենյակներին,

ԵԽ և ԵՄ  անդամ երկրների դեսպանատներին,

ԵԺԿ ղեկավարությանը

Առաջարկություն

ԵԺԿ անդամների  ապօրինությունների  կանխման  կապակցությամբ

Մեծարգո  պարոն  Նախագահ,

երեկ  և  այսօր, Հայաստանյան  գրեթե  բոլոր լրատվական միջոցները, տեղեկատվություն են տարածում այն մասին, որ  ԱԺ 08.12.11թ.-ի նիստում, 66 կողմ  և 2 դեմ ձայների հարաբերակցությամբ «հաստատվել է»  ՀՀ 2012 թ. պետական բյուջեի նախագիծը, ինչը  տեղի է ունեցել սահմանադրական կարգի կոպիտ  խախտումներով, այն  է՝ Եվրոպայի ժողովրդական կուսակցության անդամ ՀՀԿ  պատգամավորները քվեարկել  են նաև  նիստին  բացակա  պատգամավորների փոխարեն /Հ.Գ.1/: Այդ  հարցը  վարել է  ԱԺ  ՀՀԿական  խոսնակն իր խմբակցության ղեկավարի աջակցությամբ /Հ.Գ.2/:

Այսինքն, երկրի 2012թ.-ի  պետական բյուջեի մասին  օրենքը  չի  ընդունվել:

Մյուս  կողմից, պարզվում է /Հ.Գ.1/, որ  Ձեր  ներկայացուցիչը  ԱԺ-ում, բավականին  ուշադիր հետևել է /մասնակցել  է/ սահմանադրական կարգի այդ խախտումներին, անթաքույց չիրակացնելով  ՀՀ  Սահմանադրության  49-րդ հոդվածով  սահմանված Ձեր  պարտավորությունները  կամ իրականացնելով  ճիշտ  հակառակը:

Իսկ, այդ  կապակցությամբ, Ձեր  կողմից, առայժմ,  չի  եղել  որևէ  արձագանք:

Սակայն, այս անգամ, երբ փաստերն անհերքելի  են, կարծում  ենք, վերջապես միջոցներ կձեռնարկեք  սահմանադրական կարգը սույն խնդրում  պահպանելու, այդ  թվում, «2012թ.-ի  ՀՀ  պետական բյուջեի մասին»  օրենքի նախագիծը, անհարմար  է  ասել, նորից քվեարկելու, ինչպես նաև,  հիշյալ օրինախախտներին  պատասխանատվության կանչելու ուղղությամբ:

Միաժամանակ, հույս ենք հայտնում, որ  ԵԺԿ  ղեկավարությունը  նույնպես  միջոցներ կձեռնարկի, մեր երկրում,  իր  դիտորդ-կուսակիցների ապօրինությունների կանխման ուղղությամբ:

Հ.Գ.1 - http://www.youtube.com/watch?feature=player_embedded&v=jnTGTqRKQ00

Հ.Գ.2 – http://www.youtube.com/watch?feature=player_embedded&v=VbHLa6qTRPQ